شوبير يكشف رسالته لنجله مصطفى ليلة مباراة الوداد

كشف الإعلامي أحمد شوبير، عن رسالته لنجله مصطفى شوبير، حارس مرمى الفريق الأول لكرة القدم بالنادي الأهلي، ليلة مباراة الوداد المغربي.
وقال أحمد شوبير في تصريحات لبرنامج «ملعب أون تايم»، المذاع عبر فضائية «أون تايم سبورتس»: «قولت لمصطفى، كلمة واحدة انجوي (استمتع)، أنا مش من الأبهات اللي أحب أتكلم عنه، ده غلط كبير جدًا، ولا أحب أتكلم معاه في حاجات إلا لو سألني في حاجة هقولهاله، طالما الشخص مرتب وعارف اللي عليه وقريب من ربنا وبيعمل اللي عليه خلاص».
وتابع: «زملاء كتير بيكلموني عشان أعمل مداخلة للحديث عن مصطفى، قولتلهم اتكلموا مع مصطفى، هو صاحب الحدث مش أنا، أنا هفضل اقول ابني ومظلوم ومبيلعبش الكلام ده غلط، عمري ما هتكلم في النقاط دي، مش مظبوط ومش صح، اديله حقه لما يكون لعيب بيلعب زي أي حارس مرمى وانتقده لما يكون في حاجة غلط، ولكن إن أنا أنصب نفسي متحدث باسمه غلط».
وفاز الأهلي على الوداد المغربي، بهدفين مقابل هدف، في المباراة التي أقيمت بينهما مساء الأحد، على استاد القاهرة، في ذهاب نهائي دوري أبطال أفريقيا.