أحمد حلمي: انتظروني في فيلم مع منى زكي من تأليفي

حلّ الفنان أحمد حلمي، ضيفا على محطة راديو «إنرجي 92.1»، مع وائل منصور ومنة عامر في برنامج «عيشها بإنرجي»، مساء الإثنين، بعد اختياره نجما لشهر مايو.
وقال أحمد حلمي إنه يدير أعماله بنفسه، وحساباته على «السوشيال ميديا» يعبر من خلالها عما يرغب في الحديث عنه، مع مساعدة بسيطة من شخص آخر.
وأجاب أحمد حلمي على سؤال مهم حول إمكانية تقديمه لفيلم رعب أو نوعية مختلفة عن الأفلام الكوميدية، قائلا: «آه طبعا جدا، ممكن أعمل أي دور، أنا بدور دايما على إني أقدم حاجة تأثر في المشاهد وتخرج منها تفكر إن الدنيا وجهات نظر، ولما بلاقي فيلم مبيقدمش حاجة زي دي بستخسر أعمله، المواضيع الإنسانية كتير ومهمة أوي».
وأشار أحمد حلمي إلى أنه يحب سينما «البلاك كوميدي»، موضحا: «عشان أنا برسم والرسم والتأمل وتجريد الأشياء نظرة فنية فجايز ده اللي حببني في الحتة دي».
واستطرد: «ممكن شخص طبعه دايما صامت وساكت ويكون بيضحك جامد جدا.. زي نجيب الريحاني أو دريد لحام.. بيقدموا قمة الكوميديا لكن لما تقابلهم مبتلاقوش شبه اللي بيقدمه».
وعن قدرته على الحفاظ على التواصل مع مختلف الشرائح والفئات العمرية من الجمهور، قال أحمد حلمي: «أنا بلعب على الكلاسيكيات في الكوميديا.. البني آدم.. مش النكت والطرائف اللي طالعة مع اختلاف الأوقات.. اللي بيضحك من 10 سنين بقى النهاردة قديم.. وبعتمد على الإيفيه اللفظي أكتر من الموقف الإنساني».
وكشف: «كتبت فيلم هقدمه مع منى زكي. أنا حاليًا كاتب فيلمين واحد اسمه «عروس وعريسة»، والتاني باسم مؤقت «وش وضهر» وده كتبته في 9 سنين».
وختم: «عندي فوبيا من الحقن.. كنا بنعمل فحوصات في لندن ومعايا مراتي وبنتي وسابوني شوية فالدكتورة أول ما جت تديني الحقنة قولتلها I am Phobia وسيبتها وروحت استخبيت في المستشفى عشان ماخدش الحقنة».