«عايز أرجع أمثّل تاني».. أحمد فرحات عن استغاثات الفنانين: المشاهد تعبان ليه تنكد عليه! (فيديو)

أعلن الفنان أحمد فرحات رغبته في العودة إلى التمثيل مرة أخرى، كنوع من الاحتياج الفني وليس المادي.
وأضاف في تصريحات تليفزيونية لبرنامج «المنسي» عبر قناة «هي» والذي تقدمه إنجي هشام، مساء الخميس: «أي دور هعمله هضيفله لوني ومن خبرتي القديمة علشان يطلع حلو، على سبيل المثال جابوني في مسلسل العيلة دي وقالولي مشهد خمس دقايق، روحت لقيت الكلام مش عاجبني ضيفتله من عندي، أنا قادر على إني اعمل حاجة هادفة».
وعن سبب أجره الضعيف في العمل قال: «أخدت أجر وكل حاجة بس مبطلبش أجور كبيرة لأني محتاج الفن مش الماديات».
وتابع: «عمري ما كلمت فنان قولتله شوفلي دور، أنا معملتهاش وأنا صغير، واتخطفت في السينما، أنا لو لفيت على شركات إنتاج هشتغل لكن عمري ما أعملها لأني الحمدلله مش محتاج».
ئوأشار إلى أنه لا يفضل استغاثات النجوم على «السوشيال ميديا»: «مينفعش الفنان يطلع يقول أنا كنت بقسم علبة كشري مع ابني، لأنك راجل فنان واللي بيتفرج عليك تعبان ونفسه يشوف حاجه حلوة ليه يتنكد عليه».