حكاية جنينة

كان يا ما كان.. جنينة اسمها «فلسطين».. تعلب مستنى الخسران.. من صراع بين نمرين.. والصراع ده مش عداوة.. أو منافسة أو استقصاد.. يا أشجار حزينة.. الأسود دى ساكتة ليه؟.. ده لأنهم خايفين؟.. ضاعت ودانهم ولا إيه؟.. ولا هما مكبرين؟.. يا أشجار حزينة.. آدى أسد حقيقى بيه.. الملايين عنده سفايف.. بس مش هاين عليه.. يديها لك أصله خايف.. ما هو التعلب مش لوحده.. بشوية ديابة مسنود.. خايفة يبقى فى وحدة.. ما بين النمرين والأسود.. خايفة ليرجع ملك الغابة.. والشجر يفرح ويرقص.. ولو فى من الشجر غلابة.. حقهم عمره ما ينقص.. مين يفهم النمرين.. أو يلم الأسود على حاجة.. أو يساعد شجر مسكين.. أو يقول لأ للخواجة؟!
كلية الطب- جامعة الإسكندرية