«جلطة في عينه اليسرى ومرض مناعي».. آخر تطورات الحالة الصحية لنجل الفنان محمد ثروت

تعرض الفنان والمخرج أحمد ثروت نجل الفنان محمد ثروت خلال الفترة الماضية إلى أزمة صحية مفاجئة، إثر إصابته بمرض مناعي نادر في الجهاز العصبي (متلازمة الميلر فيشر)، وكشف عثمان بدران صديق مقرب للمخرج أحمد ثروت، عن أخر تطورات حالتة الصحية، وذلك خلال منشورا عبر حسابه الشخصي بموقع التواصل الإجتماعى «فيس بوك».
وكتب عثمان بدران: «من فترة كنت كتبت على قصة الضغط العصبي وأن مافيش حاجة مستهلة وده كان بسبب حبيبي وصديقي أحمد ثروت اللي عنده 31 ولا 32 سنة وهو عنده شركة في مجال الدعاية والاعلان.. زميل صنعة زي ما بيقولوا ومن شوية ضغط في الشغل في خلال السنوات اللي فاتت جات له جلطة في عينه الشمال والحمد لله بتتحسن ولكن تطور الموضوع اكتر وجه له مرض في الاعصاب نادر اوي اوي اسمه»متلازمة الميلر فيشر«و ده مرض بيجي 1٪؜ في المليون بيخلي الجهاز المناعي يهاجم الجهاز العصبي وحاليا مأثر على رجله الشمال تماما واليمين بنسبة 50٪؜ زي ما أحمد قال لي«.
وأضاف: «الحمد الله عزيمة أحمد في حتة تانية خالص وبيهزر وبيضحك ومؤمن ومبسوط أن ربنا اختصه.. بس النهارده يوم مهم جدًا. أحمد سافر لألمانيا علشان المرض ده محتاج مركز متخصص لعلاجه والنهارده هيسحبوا عينه مياه من المخ علشان يحددوا الموضوع اكتر ويحطوا بروتوكول للعلاج بإذن الله بناء على نتيجة النهارده هيتحدد حاجات كتير اوي».
وتابع مطالبا بالدعاء لأحمد ثروت قائلا: «فضلا وليس امرًا ندعي لأحمد لعلكم اقرب إلى الله انه يشفيه ويهون عليه ويربط على ابوه الخلوق الجميل وأمه واخته وخطيبته».