"متلازمة الميلر فيشر" التفاصيل الكاملة لمرض نجل محمد ثروت

لا يزال جمهور الفنان الكبير محمد ثروت يتساءل عن الحالة الصحية لنجله الفنان أحمد ثروت، خاصةً بعد إنتشار أخبار تؤكد إصابته بمرض نادر يصيب واحد من كل مليون شخص.

مرض نجل محمد ثروت
وفي الحقيقة كشف صديق للفنان أحمد ثروت التفاصيل الكاملة لمرض الفنان وتطور حالته الصحية وذلك عبر حسابه الشخصي على موقع "فيسبوك" فكتب :"من فترة كنت كتبت علي قصة الضغط العصبي و ان مافيش حاجة مستهلة و ده كان بسبب حبيبي و صديقي أحمد ثروت اللي عنده 31 ولا 32 سنة و هو عنده شركة في مجال الدعاية و الإعلان .. زميل صنعة زي ما بيقولوا و من شوية ضغط في الشغل في خلال السنوات اللي فاتت جات له جلطة في عينه الشمال و الحمد لله بتتحسن و لكن تطور الموضوع اكتر و جه له مرض في الاعصاب نادر اوي اوي اسمه "متلازمة الميلر فيشر" و ده مرض بيجي 1٪؜ في المليون بيخلي الجهاز المناعي يهاجم الجهاز العصبي و حاليا مأثر علي رجله الشمال تماما و اليمين بنسبة 50٪؜ زي ما أحمد قال لي".
وتابع عثمان بدران صديق الفنان أحمد ثروت :"الحمد الله عزيمة أحمد في حتة تانية خالص و بيهزر و بيضحك و مؤمن و مبسوط ان ربنا اختصه .. بس النهارده يوم مهم جداً. أحمد سافر لألمانيا علشان المرض ده محتاج مركز متخصص لعلاجه و النهارده هيسحبوا عينه مياه من المخ علشان يحددوا الموضوع اكتر و يحطوا بروتوكول للعلاج بإذن الله".
وأختتم حديثه لافتاً :"بناء علي نتيجة النهارده هيتحدد حاجات كتير اوي ، فضلا و ليس امراً ندعي لأحمد لعلكم اقرب الي الله انه يشفيه و يهون عليه و يربط علي ابوه الخلوق الجميل محمد ثروت و أمه و اخته و خطيبته".
محمد ثروت يكشف حالة نجله
وفي سياق متصل، تحدث الفنان محمد ثروت عن تفاصيل الحالة الصحية لنجله فقال: "لسه الحالة مش مستقرة، بيتألم جدًا لأن المرض نادر الحدوث.. متلازمة نادرة وتصيب الجهاز العصبي، المرض مناعي يسمى متلازمة ميلر فيشر وحالته تصيب واحد في المليون.. وبيضطروا لاتخاذ خطوات للعلاج، أنا مشفق عليه من اللي هو فيه".