طه الدسوقي: «أحمد حلمي قالي بتفكرني بنفسي وأنا صغير» (فيديو)

كشف الفنان طه الدسوقي عن مكالمة جمعته بالنجم أحمد حلمي بعد نجاحه في مسلسل موضوع عائلي 2، مؤكدًا أنه قال له أنه يذكره بنفسه عندما كان في بدايات رحلته الفنية.
وأضاف في لقاءه مع برنامج the insider بالعربي :«موضوع عائلي محطة مهمة في حياتي، فرقت أني أبقى أنا، وأخذ مساحتي اللي متشال فيها، فهي محطة مهمة جدًا في حياتي».
وتابع: «حصل بيني وبين أحمد حلمي مكالمة تليفون، وبشكره جدًا، وقالي بتفكرني بنفسي وأنا صغير، ودي حاجة خليتني اتنطط في المكان».
وأردف: «التشبيه بأحمد حلمي حاجة تشرفني جدًا ومسؤولية كبيرة وبخاف منها، ودي مقارنة ظالمة طبعًا، وحاجة كبيرة جدًا إني أتقارن بحد بالجمال والتلقائية والموهبة دي، ودي مسؤولية كبيرة بخاف منها، وعارف إن ده حب الناس ليا، وبتبقى سبب توتر بالنسبالي».