حلمي عبدالباقي عن مصطفى كامل: رب أخ لم تلده أمك

حرص الفنان حلمي عبدالباقي على دعم ومساندة الفنان نقيب الموسيقين مصطفى كامل.
ونشر عبر حسابه الشخصي على موقع القيسبوك منشورًا نصه:«رب أخٍ لم تلده أمك مصطفي كامل الأخ الصديق الجدع اللي مش ممكن يتخلي عنك وأنت في أي محنة لا قدر الله انتو عارفين أنا عمري ما فكرت أكتب ايه ولا عادتي أني أمجْد في حد ولكن هذا الرجل أجبرني أنا أكتب هذا البوست اللي كل كلمه بكتبها هي من قلبي وبدون تجميل أنا اشتغلت معاك نقابة وراقبت كل حاجة بتعملها أبهرتني أبهرتني وأنت بتتكلم وأنت بتعامل مع كل البشر بمختلف نوعياتها أبهرتني وأنت نحنو على كل محتاج أبهرتني بشجاعتك وأنت بتاخد أي قرار أبهرتني وأنا بشوف في عينك».
وتابع:«نظرات الحنان وانت بتقول لأي راجل كبير أو أي ست كبيره عيني يابا أو عيني ياأمي وتمسك قلمك وتمضي ابهرتني لما المتعهد سجه يرخص حفله لفنان خليجي كبير وأنت بتتفق معاه وأنت بتقوله أنا مش هاجملك على حساب فلوس الناس لان دي مش فلوسي وخدت منه مبلغ لم يستطيع أي حد قبلك انه يعمله وكمان قولتله طلع مبلغ للناس اللي تعبت معانا في النقابه وجبت كل الناس العمال اللي في النقابه حتي بتوع البارك وخليته يوزع المبلغ عليهم الله الله عليك هقول ايه ولا ايه كل اللي عاوز اقوله ربنا يديم عليك الصحه والعافيه ويخليك لاولادك ويخليك نصير كل محتاج ونصير كل مظلوم».
وأردف:«علشان نا ديما اقولك خلي بالك من صحتك علشان فيه ناس كتير محتاجينك كان نفسي أكتب كتير أووووي بس أنا طولت ومش عارف أنا كتبت كده ليه مش اكتر اني صحيت من النوم لقيت نفسي بكتب ده وانا عارف أن ممكن ناس ميعحبهاش أني بكتب كده لامراض نفسيه بس في الاخر مش مهم احساس حسيته ولازم أنقله بأمانه بحبك في الله يادصديقي الصدوق مصطفي كامل. ونفسي كل الناس اللي ماتعرفكش كأنسان تعرفك واشوفك على حقيقتك وكمان الناس اللي بتحاول تهز صورتك أو تقلل منك بقولهم موتوووووو بحقدكم«.