مفيدة شيحة: بعض الأمثال والحكم المصرية ليس لها صلة بالواقعة

أكدت الإعلامية مفيدة شيحة، أن المجتمع بحاجة لإعادة النظر في الأمثال الشعبية، وأن الأمثال الشعبية شيء من التراث المصري ولابد من فهم كل مثل بشكل صحيح.
وقالت مفيدة شيحة، مقدمة برنامج الستات، المذاع عبر قناة النهار وان، مساء اليوم الإثنين: «محتاجين نعيد النظر في الأمثال والحكم المصرية، ومفيش حد منحوس لكن فيه حد كسلان ومقضيها ومش عايز يشتغل».
وأضافت الإعلامية مفيدة شيحة، أن هناك أمثال شعبية يرددها البعض كل يوم ليس لها أي صلة بالواقعة، ومجرد كلمات تتناقلها الأجيال دون أي فائدة، مضيفة: «لو صابعك وجعك.. متقطعوش.. عالجه.. تقطعه ليه العنف دا.. دا صابعك انت.. هتتعصب على نفسك وتقطع في نفسك عشان اتألمت؟ مش دي حاجة عجيبة بالذمة؟ العقل والرحمة.. استوعب نفسك وألمك وتجربتك.. وخلي مخك كبير على اد جسمك..!!».
وتابعت مفيدة شيحة: «لما تتلسع من الشوربة.. ليه تنفخ في الزبادي؟، دا معناه انك لم تستنفيد من التجربة.. معناه انك بتغلط أكتر من الأول.. وبقيت شكاك ومتوقع المخاوف في كل حاجة..، والمعقول أنك تستفيد من التجربة وتنتبه للحاجات السخنة.. السخنة.. مش تنفخ في الزبادي أو تنفخ في التلج؟!».
وأكملت مفيدة شيحة، أن :«اللي ميشوفش من الغربال يبقى.. عاوز يشوف أوضح.. عاوز يحقق ويدقق ويشوف كل أجزاء وتفاصيل الصورة.. ويكون رأي ووجهة نظر متكاملة!، وحبيبك يبلع لك الزلط.. ليه يا بابا.. ليه تحب واحد وتأكله زلط.، وهل دا حب ياناس؟ يااخي اكرهه.. ياريتك محبيته وتسيبه في حاله!!، الله الغني عن زلطك وحبك!!».
وأنهت مفيدة شيحة، أن :«اللي رقصوا ع السلم.. ممكن يتشافوا ويتسمعوا ويشتهروا أوي كمان.. الناس داخلة في حياة بعض بكل سهولة.. متطوعين انهم يعرفوا كل حاجة عن بعض وبدون هدف..!!، والضحك من غير سبب.. قوة وذكاء وإيجابية وتفاؤل.. ممكن يكون الضحك قلة أدب ازاي؟ امال النكد يبقى ايه.. ثم ما عيب إلا العيب معروفه!».