شيرين عبدالوهاب توضح حقيقة صورتها مع حسام حبيب.. عمرو أديب يكشف التفاصيل (فيديو)

كشف الإعلامي عمرو أديب تفاصيل مكالمته مع الفنانة شيرين عبدالوهاب لأول مرة، وحقيقة الصورة المتداولة مؤخرًا مع حسام حبيب
وقال أديب في تعليق خلال برنامجه «الحكاية»، الذي يعرض عبر قناة «إم بي سي مصر»، اليوم الجمعة: «كان بيني وبين شيرين اتصال النهارده، صوتها جيد وقوي، أول ما قالت ألو حسيت أنها كويسة، وحسيت إنها عارفه حجم الحب والمودة اللي كانت موجودة ليها لما كانت في المستشفى».
وأضاف: «قالت لي إنها كويسة، الحمد لله أنا بقيت كويسة، وعايزاك تقول الناس إني كويسة، وعايزاك تطمن الناس عليا، وتشكر الناس اللي كانت بتسأل عليا، وكل الوسط الفني والغنائي، وكل الناس اللي اهتمت بيا، وقريب هرجع أحسن من الأول بكتير، وقريب هيكون في حوار كبير ونتكلم في حاجات كتيرة».
وتابع أديب: «صوتها جيد وبصحة جيدة، دي شيرين اللي أنا أعرفها هادية وجميلة وبتضحك وتنكت، عندها وحشة كبيرة للوسط الغنائي، شيرين ست وقوية وقادرة إنها تتخطى هذا الأمر».
ونفت شيرين لعمرو أديب صحة الصور المتداولة لها مع حسام حبيب مؤخرًا ،موضحة أن هذه الصور كانت في سياق مختلف تمامًا عما يتم الترويج له.
عمرو اديب يكشف تفاصيل مكالمته مع شيرين لاول مرة وحقيقة الصورة المتداولة مؤخرا مع حسام حبيب
تقدر تشوف الحلقه كامله على شاهد (اتفرج ببلاش)https://t.co/4Wd4GzdFvu#الحكاية#MBCMASR pic.twitter.com/EF2CFumtsM
— الحكاية (@Elhekayashow) November 4، 2022