عبير الشرقاوي: «محمد الغيطي هرب من النقد.. وعشت مع أبويا حتى وفاته» (فيديو)

كشفت الفنانة المعتزلة عبير الشرقاوي عن رأيها فيما فعله الكاتب محمد الغيطي حينما انسحب من الحلقة بمجرد دخولها في مداخلة هاتفية حيث أكدت أن هذا «لعب عيال».
وأضافت في مداخلة هاتفية مع برنامج «القاهرة اليوم»: «اللفظ اللي ذكره محمد الغيطي قاله أنا مقولتوش، لكن أنا قولت الكلام اللي كل المشاهدين قالوا أن مينفعش السيدة فردوس عبدالحميد تطلع أم لطفل رضيع، أنت كده صدمتني كمشاهدة، وأفقدتني التعايش مع المسلسل والأحداث».
وتابعت :«ممكن أكون قولت كومنت ومسحته، لأني فنانة والكومنت ده مينفعش يطلع من فنانة لكن مقولتش اللفظ اللي ذكره محمد الغيطي».
وردًا على جملة :«ده أبوها أتبرأ منها» أجابت: «ده محصلش، أنا عايشة مع أبويا حتى توفاه الله، عايشة معاه في شقته، ولما توفى، عايشة مع أمي في نفس الشقة، منين هيكون تبرأ منى وأنا عايشة معاه في نفس الشقة؟».
وأردفت: «محمد الغيطي هرب من النقد، لأنه عارف أنه ككاتب متسواه أقل من ضعيف، ومسلسلاته السابقة تشهد عليه بذلك، وظهور الفنانة فردوس عبدالحميد في عمر أكبر من سنها ده أفقدني التعايش مع المسلسل».