والد ضحية «دخان القمامة» في المرج: «أخدوا أحلى ما فينا» (فيديو)

رجل خمسينى ينتحب، وبجواره ابنه يسند رأسه على كفيه، ويكرران: «حبيبى يا عبده، ضربوك على راسك بالشومة، واتضربت بالخرطوش غدر، مُت في لحظة وغمضة عين»، يستذكران تفاصيل مقتل الشاب العشرينى: «ياسر وابن أخيه أحمد أنهيا حياته، بسبب أننا كنا مولعين في مخلفات قدام بيتنا، وسرعان ما أطفيناها، لكن الغل جعلهما ينتقمان في ابننا».
ما إن وصل «عبده» إلى محيط منزله في المرج بالقاهرة، حتى كان المتهمان يتربصان به: «لفوا من شارع تانى، وجم قدامه واحد فيهم ضربه على راسه بالشومة والتانى طلّع فرد الخرطوش وضربه في صدره وسقط على الأرض قتيلًا».. يحكى «سامى»- والد المجنى عليه- المشهد الدامى الذي دار أمام عينيه: «كنت مولع في زبالة قدام بيتى بعدما نضفت المكان، والجيران زعقوا وقالوا: العيال تعبت قوى من رائحة الدخان، وفورًا أطفأت النار وقلت لابنى الكبير شيل المخلفات من هنا، واستجبنا وفوجئت بجارنا بيزعق ومعاه ابنه (أحمد) بيشتمنى ورديت عليه قائلًا: عيب ابنك يسبّنى قدام الناس، وإحنا حلينا المشكلة وخلاص أطفأنا الحريق والمخلفات لمّناها».
حين حاول الابن الأكبر ل«سامى» أن «يزعق في الجيران»، والده أمره ب«امشى من هنا ومتعملش مشاكل»، وهو ما استجاب له الابن، وفى غضون دقائق حضر شقيقه «عبده» من عمله وما إن وطأت قدماه المنطقة حتى تربص به الجيران: «غفلوه ولفوا من شوارع جانبية ووقف قدامه ياسر وأحمد، وفجأة نزلوا فيه ضرب على رأسه وبالخرطوش قتلوه، قدام عينى وأمه طلت من البلكونة على منظر قتل فلذة الكبد».. وفق والد المجنى عليه.
الأب لم يصدق عينيه أن يموت ابنه في ثانية واحدة، حمله إلى المستشفى وهناك أكدوا له: «البقاء لله، شدّ حيلك يا حاج»، ردد: «يا عالم ابنى يموت علشان كيسين زبالة مولعين فيهم، دا ابنى الكبير أول فرحتى، كان لسه هيخطب ويدخل دنيا، وعمره ما أذى حد، دا الناس بالمنطقة محدش فيهم يعرفه من شدة أدبه، قتلوا أحسن ما فينا، عندى عجز بإيدى وكان بيساعدنى بمصاريف البيت، إحنا مولعين الزبالة على بعد 4 بيوت من منزل الجيران».
كسا الحزن ملامح شقيق «عبده»: «أخويا مات قدام مننا غدر، المتهمين سوابق والناس بتخاف منهم».. يحكى اللحظات الأخيرة في حياة أخيه: «مشيت أنا وصاحبى من قدام بيتنا لما أبويا طلب منى عدم التدخل في المشكلة مع الجيران ورمى المخلفات بمكان تانى، وفوجئت بالمتهمين يتقدمان نحو شقيقى (عبده)، صرخت فيه: حاسب حاسب خد بالك، لكن ضربتهم كانت أسرع من ندائى ضربوه ضربتين في لحظة، وأخويا الكبير أحن واحد بالدنيا قُتل أمامى».
المتهمان، وهما يهرولان من مكان الجريمة، أشهرا سلاحهما في وجه الأهالى مهددين وملوحين به: «اللى هيقرب هيموت»، وعقب دقائق كانت الشرطة تُلقى القبض عليهما، ويعترفان: «الجيران ولعوا زبالة والدخان دخل شققنا واتخنقنا».
جنازة «عبده» كانت بحضور المئات من الأهالى، أطلقوا عليه «شهيد الغدر»، وعلقوا صوره على جدران العقارات، مطالبين بحق المجنى عليه: «عاوزين القصاص القانونى العاجل».