رامي إمام عن الزعيم: «عايز يشتري كلب.. وبيحل الكلمات المتقاطعة لكل الجرايد» (فيديو)

كشف المخرج رامي إمام الكثير من التفاصيل حول حياة والده الاجتماعية والصحية حاليًا، مؤكدا أنه بأفضل حال ويعيش حياته مع أولاده وأحفاده بشكل طبيعي.
وأضاف في لقاءه مع الإعلامي عمرو أديب في برنامج الحكاية على قناة MBC مصر: «من حوالي شهرين، قال لي انا نفسي يبقى عندي كلب، قولت له: "حاضر"، وجبناله كلب، وهو مبسوط جدًا بيه، فهو مستمتع بالحياة مع أولاده وأحفاده، فهو مشفناش في حياته كتير ومن حقه أنه ياخد راحته من الحياة شوية».
وأردف: «عنده عادة بيحب يحل الكلمات المتقاطعة لكل الجرائد وبالقلم الفولماستر كمان، وبيقرا الجرائد الورقية لحد دلوقتي، وبيتابع الأخبار في البرامج والجرائد أكتر مننا ونفسه يشوف فضل ونعمة».
وأردف: «عادل إمام عمل كل حاجة في الحياة، يوم ما يقرر يشتغل، هيشتغل شئ أنا مقتنع بيه وجديد عليه، لأنه عمل كل حاجة في الحياة، مفيش دور وموضوع مقتنع بي، خلاص أنا مستمتع بحياتي مع أولادي وأحفادي، فالزعيم عادل إمام قدم 155 فيلما».
واستطرد: «من 2010 إلى 2020 قدم مسلسلات، فتصوير المسلسلات منهك، ولحد انهاردة بنعرض عليه شغل، وصعب جدًا تنقي موضوع لعادل إمام لأنه قدم كل الموضوعات».