«فضلت أروح سنتين».. محمود عزب يتحدث عن رحلته في أكتشاف مواهب في «الأسمرات»

تحدث الفنان محمود عزب، عن تفاصيل مشروعه لاكتشاف المواهب في حي الأسمرات بين الأطفال المتواجدين في هذا الحي، قائلًا:«بعتبر اكتشاف المواهب ومساعدتها في الأسمرات هي رسالتي الحقيقية، وفي التتر بحكي الحكاية».
وأضاف «عزب» خلال مداخلة هاتفية ببرنامج «فاكرني ياحظ» من تقديم الإعلامية إنجي أنور، ويذاع على نغم إف إم:«روحت مع صديقي زيارة للأسمرات، وشوفت النقلة فيها والمباني، وابتديت أكلم نفسي، إن الأطفال اللي اتولدوا في أحياء عشوائية عزبة خيرة الله والدويقة وغيرهم لازم نقف جنبهم».
وتابع:«ابتديت أتعرف على الناس هناك، وفضلت أروح هناك لمدة سنتين، وشوفت أولاد موهوبين جدا في الغناء وفي الكورة والتمثيل، وفخور إني أقول إن مصر ولادة، وكان فكري إني أجيب لهم مدربين، وقد إيه حسيت بالدور العظيم اللي قدمه سيادة الرئيس عبدالفتاح السيسي في الأسمرات».
وأختنتم :«من النماذج اللي شوفتها في الأسمرات بنت بسيطة والدها طلعها من المدرسة، وفي الأسمرات دخلت فصول محو الأمية، ومنها أخدت الإبتدائية، وبعدها الإعدادية، وحاليا هي بقت ثانية ثانوي، ولما تسألها نفسك في إيه؟! قالت أكون دكتورة، في الأسمرات مش بس بتنقل الإنسان لمكان مختلف ولكن بشوف إن الأسمرات بناء للإنسان».