«سمعة الناس هتتسألوا عليها».. عمر كمال يكشف حقيقة انفصاله عن خطيبته (فيديو)

كشف مطرب المهرجانات عمر كمال حقيقة انفصاله عن خطيبته، بعدما انتشار فيديو له وهو ضيف في أحد البرامح يعترف بذلك، قائلًا: «في مذيع بيسألني قبل لقائي معاه في سوريا إيه يا فنان مش مبسوط ليه، قولتله اللي بحبها حصل بينا خلاف من يومين وبحبها جدًا وعايز أرجعلها، وكان ده برة الهوا وقولتله مينزلش ونزله، وبعدها المواقع بقت تتداول الفيديو وحطين صورة شيماء مغربي وهي إنسانة مخطوبة، واللي بينا أغنية، طب خطيبها منظره قدام أهله وصحابه إيه؟ محدش كلمني ولا وجهلي أي حاجة.. مبتفكروش في الناس».
وأضاف عمر كمال خلال بث مباشر له عبر حسابه الرسمي بموقع التواصل الاجتماعي «فيسبوك»: «وإيه ندى الكامل دي كمان، أنا لما أحب أصرح بحاجة هقول.. أنا مبحبش أطلع تريند ببنات خالص.. وشيماء المغربي كانت أغنية، وأنا مالي بسمية الخشاب، دي واحدة جت دقت بابي عايزة تعمل أغنية وقولتلها عشان تنجح لازم شروط وهي معلمتهاش فراحت في حتة تانية.. أنا بشتغل بشغلي مش بترينداتي.. وسمعة الناس حاجة مهمة هتتسألوا عليها».
وكان المطرب عمر كمال أعلن عن انفصاله عن خطيبته بعد فترة ارتباط استمرت 6 شهور، معبرًا عن حزنه الشديد لهذا الأمر.
وقال عمر كمال، خلال خلال لقاء تليفزيونى في عمان: «أنا قاعد معاك في أحزن حالاتي، أنا في العادي هتلاقيني فرفوش.. انفصلت إمبارح عن خطيبتي.. قبل الحفلة ب48 ساعة فقط، لكن الله أعلم هنرجع تاني ولا لأ».
وأضاف: «كنت ناوي أعلن في الأيام الجاية، ومش عارف هيكون ليا نصيب معاها أم لا.. مش عارف».
وأكد أنه لم يرتبط بالمطربة شيماء مغربي، خاصة بعد تعاونهما معا في ديو غنائي يحمل عنوان «إنتي قلبي»، موضحا: «أي زميلة بعمل معاه دويتو، الجمهور بيجوزني لها، لمجرد إنّ حالة الانسجام اللي بتظهر في الكليبات بيفتكروها حقيقية، لكن ده مجرد شغل بس».