«ألفاظ خارجة واتهامات بالفساد»..أزمات دفعت هاني شاكر للاستقالة على الهواء

فاجئ الفنان الكبير هاني شاكر ، جمهوره ومحبيه، أمس الإثنين، بقرار استقالته على الهواء من منصبه بنقابة المهن الموسيقية، وبحث عدد كبير من رواد مواقع التواصل الأجتماعي عن سبب استقالة الفنان هاني شاكر.
وفي ذلك الصدد نرصد لكم في السطور التالية أبر الأزمات التي دفعت الفنان هاني شاكر إلى إعلان استقلاته على الهواء :
«شجار وألفاظ خارجة»
وقعت مشاجرة بالأيدي بين أعضاء نقابة المهن الموسيقية خلال المؤتمر الصحفي الذي أقيم، الإثنين، بأحد الفنادق الخاصة، بسبب هجوم الموسيقار أحمد رمضان سكرتير عام نقابة الموسيقيين على العازف الشهير سعيد الأرتيست، بسبب انتقاد الأخير لسياسات النقابة.
وقال سعيد الأرتيست إنه طالب الفنان هاني شاكر منذ بداية ازمة حسن شاكوش أن يقيم مؤتمرا صحفيا ويعتذر خلاله للموسيقين، إلا أن ذلك لم يحدث، ليرد أحمد رمضان عليه قائلا: «لو مش عاجبك قرارات النقابة تعالى أنتَ مكان النقيب»، ما أثار غضب عازفي الإيقاع، وتسبب في مشاجرة بالأيدي بينهما».
وانسحب الفنان هاني شاكر من المؤتمر ليتم إلغائه بعدها.
«اتهامات بالفساد»
فور حصول مطرب المهرجانات حسن شاكوش، على الكارنيه الغناء، بعد توقفه 10 أشهر، خرج عدد من أعضاء نقابة المهن الموسيقية يتهمون النقابة بأنها يوجد فيها فساد، حيث خرج الفنان حلمي عبدالباقي في بث مباشر له عبر حسابه الرسمي بموقع التواصل الأجتماعي «فيس بوك»، قائلًا:«أنا اللي اخترت لجنة الخدمات بنقابة المهن الموسيقية وراضي تماما باللي أنجزته خلال فترة عملي باللجنة، وبكل الأمانة كنت بخدم الناس كلهم، الكبير قبل الصغير والمعاش قبل العامل».
وأضاف «أكثر من مرة فكرة أقدم استقالتي، ولكن كل اللي خلاني أرجع في كلامي، إنني كنت بفكر اللي بعدي مش هيعرف يشتغل نص الشغل اللي بعمله في النقابة ومش ببالغ نهائي»، قائلا «هتكلم في الموضوع اللى قالب الدنيا والسوشيال ميديا وهو حسن شاكوش، في اجتماع المجلس اتقدم التماس من شاكوش بواسطة لجنة التحقيقات عشان ياخد العفو وكفاية 10 أشهر».
وتابع «تناقشنا في المجلس وقولنا مش هنعطي قرار في الموضوع ده تماما، وده معظمنا وقولنا مش هنتناقش غير في انعقاد المجلس القادم، وتاني بحلف على المصحف، قيل لي إن في بيان مكتوب من الشؤون القانونية إن مفيش حرمان مدى الحياة ولو سمحت امضوا على كدا، وقالوا إن أنت مش هتمضي غير إن مفيش حد هيحرم مدى الحياة، وليس عودة حسن شاكوش، ومضينا أنا والمجلس على ذلك الأساس، وهو قرار عن عدم حرمان أحد مدى الحياة».
وأضاف: «لو أنا بقول كلام كدب يطلع اللي قالي كده يقول إني كداب، قولنا يا جماعة لو الموضوع يخص شاكوش لازم نرجع، ونعقد مجلس عشان نتكلم في رجوع الشخص ده، وأنا عارف إن البيان ده عشان أزمة شاكوش، أمنة يا جماعة هنعمل مجلس قبل رجوع شاكوش»
وتابع:«وكل حرف بقوله أنا مسؤول عنه وانا عارف اني ممكن يحصلي مشكلة ولكن كل الكلام ده لا يعنيني ومستعد حالا أقدم استقالتي وده لن ينقص مني شي، وانا بقول الحقيقة واللي عنده عكس كدا يخرج يقول اني كداب»
وأوضح :«بعد كدا من كام يوم كنت موجود في النقابة وبعض أعضاء المجلس وبعدين خلص ميعادنا وروحت، في البيت لقيت الاخ حسن شاكوش طالع بصورة من النقابة وبيقول أخذت الكارنيه، مين اللي اعطاله الكارنية من غير المجلس ولا اجتماع أنا معرفش، واقسم بالله وحياة المصحف إن كلامي ده بالكلمة».
واختتم: «أنا مش ضد أي حد لكن كان لازم يكون في شكل قانوني للموضوع ولازم تترد الإهانة لإخوتنا الموسيقيين، وكل الكلام ده على الملأ ومصر كلها تشوف، وكلامي ده مش عايز اقطع عيش حد، ولكن الناس اللي اتهانت دي لازم تتراضى ويكونوا موافقين من قلبهم، وده اللي كنت عامل حسابه وده بكل اختصار اللي حصل».
«أزمة المنشدين»
استمر المنشد الديني محمود التهامي في الهجوم الذي شنه خلال الساعات الماضية ضد نقابة الموسيقيين، مشيرا إلى أن «الموسيقيين» تعطل مشروع نقابة المنشدين لتستمر في تحصيل «الإتاوة» منهم، على حد وصفه.
وقال التهامي خلال لقاء مع برنامج «آخر النهار» الذي يقدمه الإعلامي محمد الباز: «نقابة المهن الموسيقية لا تفتح باب العضوية للمنشدين، لأن المنشد بالنسبة له ما هو إلا إتاوة، المنشد يشتغل بتصريح عضوية منتسبة ويدفع في السنة ألف و700 جنيه، أما لو عضو عامل سيدفع 120 جنيهًا فقط».
وتابع التهامي: «بياخد منه إتاوة عشان يسيبه يشتغل، غير تحصيله رسم نسبي للنقابة من الحفلات، وليس للمنشد أي حقوق في النقابة».
وواصل: «إحنا أسامينا ليها تاريخ.. إنت بترد على مطربي المهرجانات حسن شاكوش وحمو بيكا ومش عايز ترد عليا.. هو إحنا قليلين؟!».
وأوضح التهامي أنه سعى لحث النواب على التقدم بمشروع قانون بإنشاء نقابة مهنية للمنشدين، فاعترضت نقابة المهن الموسيقية، وقالت إن الإنشاد جزء من المهن الموسيقية، وإنه لا حاجة لإنشاء نقابة، وفي الوقت ذاته لا يفتحون باب العضوية لضم المنشدين.
وكشف التهامي أن المنشدين عانوا أثناء جائحة كورونا، مردفا: «اللي عنده عربية باعها، واللي باع دهب مراته، واللي شاف شغلانة تانية».
«اتهامات بالرشوة»
اتهم مؤدي المهرجانات حمو بيكا، في وقت سابق، بأن يوجد أعضاء في نقابة المهن الموسيقية يحصلون على رشاوي من أجل قيدهم في نقابة المهن الموسيقية، إذ انتشر تسريبات لحمو بيكا عبر مواقع التواصل الأجتماعي، يتهم فيها مسؤلي النقابة بالرشوي، وقال «بيكا» في التسريب :««أ. ر طالع في فيديو بيقول عنبة مقدم ورق مزور وشهادة جيش مزورة، وبعدها بأسبوع إداله كارنيه النقابة، ومعايا فيديو وصور وهو متصور في مكتبه وبيديله الكارنيه».
وأضاف حمو بيكا في المكالمة المسجلة: «معايا نور التوت عايزين يدفعوه 20 ألفًا، وتيخا دافع 20 ألفًا» وردًا على سؤال الشخص الذي يحدثه عن كيفية معرفته بهذا الحديث قال: «إسلام على دافع الفلوس أول ما أحد الكارنيه قاللي أنا رايح أدفع للنقابة 15 ألف جنيه، وعاوزينه يجدد تاني يدفع 15 ألف جنيه تاني، وما أخدش إيصال بالفلوس اللي دفعها».
تابع بيكا: «أنا اشتغلت 15 أو 16 أوردر في الساحل كنت بدفع إيصالات، الناس دي ما ادتنيش ولا إيصال، كنت بدفع 15 ألف جنيه، وكانوا بيبعتوا زينهم علطول يحصل الفلوس، وكان بياخد الفلوس مني أنا ساعات، ومن المحل اللي هغني فيه ساعات، ما كنتش بطلع ياريس غير لما المحل يدفع الفلوس، يا إما أنا أدفع الفلوس، والإيصال المفروض يجي للمطرب مش للمحل».
واصل حمو بيكا: «إذا كان أنا اللي كنت بقوله أنا شغال في الحتة الفلانية، يقوللي هات الفلوس قبل ما تطلع، أكلم الناس أقولهم أدوله الفلوس، مش عايز يطلعني لما ياخد الفلوس، ولما جه حلمي قاله هات الإيصالات قاله هبعتهالك وبعد كده مابعتلوش حاجه، ونزلوني أوردرين، أورد في القاهرة وأوردر في الإسكندرية وماخدتش فيهم أجري».
وتحدث عن الموسيقار «أ. ر» قائلا: «و(أ. ر) خلاني روحت مضيت على عقد بتاع فيلم مكتوب في العقد إن المفروض آخد نص المبلغ 250 ألف وما أخدتش ولا جنيه، وأخدني وداني البيت بيتك، تمثيلية البيت بيتك دي، صورت فيها وعملت فيها كل حاجه وما أخدتش برضه أجري» وردا على سؤال من يهاتفه إن كان الأجر دفعته جهة الإنتاج أم لا قال: «أيوه الأجر اتاخد آه، الناس كانوا عاطيينه ظرفًا، عطاني من الظرف ده 10 آلاف جنيه بس، وأنا أجري 70 ألف جنيه، وجم صوروا عندي في الاستوديو».
«غلطة وندمان عليها»
أثار الفنان هاني شاكر مؤخرا جدلا واسعا بسبب تصريحات تليفزيونية أدلى بها قبل أيام، وأشار خلالها أنه نادم على توليه منصب نقيب الموسيقيين، وأن الزمن لو عاد به مجددا لن يتولى هذا المنصب، ليتعرض بعدها لهجوم واسع، مما جعله يصدر بيانا صحفيا أوضح خلاله أنه يتشرف بجلوسه على كرسي النقيب خلفا لعمالقة الفن، وتصريحه المقصود به أن مسئوليات النقابة كبيرة، وأجهددته وأخذته من أسرته.