المصري كيدز: «حدوتة».. «عيد ميلاد لينا»

النهارده عيد ميلاد الجميلة لينا البنوتة الحلوة الشقية أم دم خفيف وكانت نفسها جدا تعمل الكيك بتاع عيد ميلادها بإديها الحلوين واتفقت مع مامتها ونزله اشتروا الطلبات عشان حفلة عيد الميلاد بليل وجهزت فستانها الجميل وكل حاجا عشان الحفلة وبدأت لينا تساعد مامتها فى الكيك وطلبت من مامتها تقولها الخطوات بالتفصيل قالت ليها أول حاجة هنعملها نحط الدقيق بس الأول لازم ننضفه من أى حاجة قبل ما نحطه ونعمل بيه الكيك دى أهم خطوة ومن غيرها الكيك مش هيكون جميل سألتها لينا طب إزاى هنضفه ما هو شكله أبيض وجميل ومش باين إنه مش نضيف.
ردت مامتها مش بالشكل يا لينا تعالى نشوف وبدأت مامتها تهز فى الدقيق لحد ما نزل واتبقى الحاجات اللى مش نضيفة، قالت لينا كل دى حاجات مكناش شايفنها أنا عاجبنى هزاز الدقيق دا يا ماما قوى دا ممكن ننضف بيه أى حاجه قبل ما نكلها ضحكت مامتها وقالت حلوه هزاز الدقيق دى يا لينا هو المهم قبل أى حاجه بنعملها نتأكد إنها كويسه قبل ما نتكلم ننتقى كلامنا وألفاظنا، أى حاجة على طول نحطها على هزاز الدقيق تنزل النضيف بس والوحش نرميه، وفجأه رن تليفون البيت جريت لينا ترد عليه وكانت صاحبتها بتكلمها وبتقولها شوفتى ميار وفريدة الوحشين بيقولوا عليكى إيه كلام وحش كتير.
وكمان بيقولوا هيبوظوا حفلة عيد ميلادك النهارده دول بجد وحشين كلميهم قولى ليهم إنتم مش جايين زعلت لينا جدا ودخلت على مامتها وهى بتعيط وحكت ليها على مكالمة صاحبتها وإنها هتكلمهم وتقلهم إنهم مايجوش ومش عايزاهم تانى يكونوا أصحابها قالت ليها مامتها طب ما تيجى نحط الكلام دا فى هزاز الدقيق ونشوف استغربت لينا وقالت لها إزاى ردت مامتها أول حاجه الحقيقة: إنت سمعتى الكلام دا بنفسك متأكدة إنه صحيح وحقيقى سكتت وقالت لا، ردت مامتها أول حاجه ومنزلش الكلام من الهزاز عشان إنت مش متأكدة منه تانى حاجه الخير: الكلام دا خير ولا شر لو خير هينزل من الهزاز لو شر مش هينزل قالت لينا لا شر دا زعلنى جدا قالت مامتها يبقى مش هينزل من الهزاز.
تالت مرحلة وهى الفايدة هل الكلام دا استفدتى منه فى حاجة فى أى حاجه مفيدة ليكى ردت وقالت لا بالعكس دا خلانى مش عايزة اصحابى يجوا عيد ميلادى، وكدا ها اخسرهم ومش هنكون أصحاب قالت مامتها برضه مفيش حاجة نزلت من الهزاز وبكدا يبقى الكلام دا كله مش نضيف لإنه منزلش منه حاجة من الهزاز ولو كان دخل جوانا كان هيخلينا مش تمام ردت لينا وقالت صح يا ماما مظبوط أنا مش هسمع كلامها لأنه مش تمام وبعد ما كانت زعلانة بتعيط كملت خطوات الكيك.
وجريت لبست الفستان وجيه معاد الحفله تمام والكل كان مبسوط وهى كمان وصاحبتها ميار وفريدة عاملين ليها مفاجأة جميلة وساعتها بس عرفت لينا إن أصحابها بيحبوها جدا مش زى ما قالت صاحبتها وإنها كانت هتخسر كتير لو كانت سمعت كلامها وراحت جنبها وقالت ليها لازم وسألتها إنت ليه عملتى كدا قالت ليها أنا حد قالى نفس الكلام وسعتها لينا عرفتها الدرس تمام لازم نتحقق الأول من الكلام ونشوف دا خير ولا هيزعل قوام وآخر حاجة يكون مفيد عشان يحلو الكلام.