«مزعلتش إني مش هكون العروسة».. نرمين الفقي تكشف سر اختفاها الفترة الماضية

قالت الفنانة نرمين الفقي إن سبب اختفائها لبعض الوقت للجلوس بجانب والدتها التي أصيبت بمرض السرطان، مشيرة إلى ان خلال تلك الفترة لم بتواصل معاها سوء الفنانة حنان شوقي والمطربة شيرين، معبرة عن حزنها لعدم تواصل أصدقائها لها خلال فترة الاختفاء.
وقالت «نرمين»، أثناء استضافتها مع الإعلامية منى الشاذلي عبر برنامج «معكم منى الشاذلي» على قناة «سي بي سي»:«خلال فترة مرضي والدتي بالسرطان كنت في البيت، وأنا وحيدة وكمان كان اثنائها فترة الثورة وانشغلت الفترة دى جامدة جدا حتى توفيت والدتى، وبعد ذلك قدمت مسلسل (جبل الحلال) مع الفنان الراحل محمود عبدالعزيز، وعملت مسلسل (الإمام الغزالى) مع محمد رياض وحاولت أبرز قدراتى في التحدث باللغة العربية ولكنها صعبة جدا وكنت بحاول وبعافر».
موضحة:«المشكلة اللى عرفتها لما كبرت إنه بمجرد ما اختفيت ملقتش حد حواليا وفضلت فترة بقول معقولة مفيش حد بيتصل بي أو يهتم بي، والصراحة مفيش غير شيرين وحنان شوقى، فاجئونى باتصالاتهم بالرغم إننا مش اصحاب اوى وهما اللى زارونى خلال فترة مرض والدتى، وعملوا معاها الكثير من الفيديو وأنا من هنا بشكرهم جدا».
واستكملت:«لما رجعت وقت مسلسل (جبل الحلال) حسيت خلاص رجعت نرمين الفقي من تانى وكان زمان بيقولوا إن الفنان اللى بيقعد بيكون مطلوب أكتر، وجدت العكس بعد مسلسل (جبل الحلال) والعروض اللى جت مكنتش لطيفة، لغاية لما جالى مسلسل أبوالعروسة، وكان مخرج المسلسل فاكرنى هاعتذر عشان مش أنا اللى هاكون العروسة، ولكن انبسطت بيه جدا وحسيت إنه هايبقى حلو وفعلا ده اللى حصل وبقى تريند على طول».
يذكر أن الفنانة نرمين الفقي تستكمل تصوير مسلسل «النمر» بطولة الفنان محمد امام ووهنا الزاهد، ومحمد رياض، وأحمد عبدالله محمود، وبيومي فؤاد وأحمد خالد صالح، إيناس كامل، علاء مرسي وإخراج شيرين عادل، ومن المقرر عرض المسلسل خلال الماراثون الرمضاني المقبل.