داليا البحيري عن تصرفها بعد إصابة زوجها ب«كورونا»: «أخدت المخدة ونمت على الكنبة»

تحدثت الفنانة داليا البحيري عن تجربة إصابة زوجها، رجل الأعمال حسن سامي، بفيروس «كورونا» لافتة إلى أنها بمجرد معرفتها بإصابته قررت سحب وسادتها والابتعاد عن زوجها بالخروج إلى غرفة ثانية في منزلهما، موضحة أنها خافت على «سامي» وأسرتها، من هنا خضعت وابنتها «قسمت» إلى مسحات للتحقق من حالتهما الصحية.
وقال زوجها «سامي» في برنامج «The Insider»، المُذاع عبر قناة «دبي»: «تجربة كانت صعبة، الحمدلله الأعراض كانت خفيفة، لكن العزل 3 أسابيع كان صعب جدًا»، وتابعت الفنانة مُعبرة عن مشاعرها حينما علمت بإصابته: «أول ما سِخن أخدت المخدة ونمت على الكنبة واديتله علاج وطبطبت عليه، طبعًا خوفت عليه وعلينا كلنا وعملنا مسحات وفحوصات وكُنا تمام والحمدلله أنه جات سليمة».
وكان زوج داليا البحيري قد أعلن إصابته، يونيو الماضي، قائلًا عبر صفحته الشخصية ب«فيسبوك»: «لقد اختبرت إيجابية Covid-19 الآن.. الحمد لله على كل شئ، حالتى كويسة جداً، دعواتكم مكونش نقلت العدوى لمراتي والولاد أهم حاجة، اسألكم الدعاء، أرجوكم بلاش اتصال، أنا كتبت البوست علشان أي حد تعامل معايا أو حد من القريبين مني يعرف مش أكتر».
فيما علّقت «البحيري» قائلة عبر «فيسبوك» حينها: «ألف حمد وشكر ليك يارب، لأن أنا عارفة ومتأكدة إن إحنا عملنا اللى علينا وزيادة، حافظنا وقعدنا في البيت، وعقمنا وطهرنا، وانتقدنا اللى نزل انطلق واتفسَّح، وأنا والحمد لله راضية جدا بقضاء ربنا سبحانه وتعالى، حسن جوزى وحبيبى طلع إيجابي، ربنا يشفيه ويعافيه يارب».
وتابعت: «إحنا كلنا عملنا مسحات كورونا، أنا والأولاد، واللى بيساعدونا في البيت، عشان نطمن، لأننا كنا مخالطين لحسن، وبإذن الله نعرف النتيجة بكرة بليل، وربنا يجيب العواقب سليمة يارب»، وأضافت: «أنا بقول الكلام ده عشان أي حد لازم يعمل كده، لازم يقول، وبكل وضوح عشان الناس اللى كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها».
View this post on Instagram
A post shared by The Insider بالعربي (@theinsiderar)