هاني مهنى يرد على عمر كمال: «ده كداب.. مستحيل أجيبهم يغنوا في فرح بنتي»

أصدرت نقابة المهن الموسيقية، بيانا صحفيا، تستنكر فيه استعانة الموسيقار هاني مهني، بمؤدي المهرجانات حمو بيكا، في فرح نجلته الفنانة هنادي مهني، على الفنان أحمد خالد صالح.
وقال الموسيقار هاني مهني في تصريحات صحفية: «أنا لم أدعى ولا حمو بيكا ولا حسن شاكوش ولا عمر كمال، وتفاجأت بوجودهم في حفلالزفاف ولا أعرف شكلهم في الأساس وتفاجأت بصديق لى قالى انهم موجودين مضيفا أن هنادى أيضا لم تعزم هؤلاء ولكن منظم الحفل هومن دعاهم».
ورد عمر كمال على ما جاء على لسان هاني مهني وقال: «تم دعوتنا من بنت حضرتك الفنانة هنادى مهنا وتم التأكيد علينا.. واحنا ناس ذوقومحترمة وقبلنا الدعوة وحبينا نفرحها زى ما أي نجم راح وشارك».
وأضاف في تصريحات خاصة ل«المصري اليوم»: «زعلت من هاني مهني حسيت اننا مش من المجتمع بتاعهم، واحنا أكيد منعرفش لا مكان الفرح ولا ميعاده غير بدعوة منها واكيد مش هنروح فرح وهيترحب بيناوهنطلع نغنى من غير ما نكون مدعويين على الفرح ده».
ورد هاني مهني على تصريحات عمر كمال ل«المصري اليوم» وقال: «عمر كداب وده كلام مش حقيقي»، وأضاف: «حضورهم كان عن طريق منظم الحفلات أحمد ياسين وليس عن طريق هنادي أو عن طريقي وحتى لما وصلوا أنا كنت معرفش مين دول ومستحيل أجيبهم يغنوا في فرح أبنتي».