بعها وخلّص

خصخص قصقص بعها وخلص.. ولا تتردد يلا أوام.. مش شايفينك ولا سامعينك.. خد راحتك أوى سبنا ننام.. بيع مصانعنا بيع مصالحنا.. مش حنقول ليه كده وبكام.. إذا يوم ثرنا ولا زعلنا.. أهى هيصة واهو كله كلام.. إيه راح يحصل لما نثور.. غير إنه دمنا بيفور.. ولا تتغير أى أمور.. ليه أراضينا تروح ببلاش.. على شركاتنا ليه ما نبقاش.. إيه ذنبه العامل يتشرد.. يبقى فى بلده ولا يسواش.. دى بلدنا ليه نفرط فيها.. ليه نخصخص ونبيع أراضيها.. خوفى ليطلع مرة نهار.. نلقى خواجة جاى ع الدار.. بيهددنا إنه يشردنا.. لو أخرنا عليه الإيجار.. مين عارف ييجى يوم يبيعونا.. ييجوا على حياتنا يساومونا.. نبقى عبيد كده للأسياد.. على لقمتنا حيذلونا.