14 معلومة ونصيحة للتعامل مع عدادات الكهرباء مسبقة الدفع

أعدت إدارة هندسة كهرباء شركة البحيرة لتوزيع الكهرباء بعض النصائح والمعلومات للتعامل مع العداد مسبق الدفع:
1- عدم التلاعب نهائيا في غطاء العداد حتى لا يفصل العداد حيث سيتم تحرير محضر تلاعب بالعداد للمشترك.
2- التأكد من وجود رصيد كافى حتى لا تنقطع الكهرباء فجأة، ورصيد العداد في صفحة رقم 2 سواء في العداد الاسكرا أو الجلوبالترونكس.
3- يعطي العداد إنذارات في حالة وصول الرصيد 10 جنيه، لمبة الرصيد تعطى لون احمر وهى أقصى لمبة على اليمين وانذار آخر لو الكهرباء قطعت يتم وضع الكارت في العداد بدون شحن يعمل إلى أن تشحن.
4- يفضل الشحن في اول اسبوع من الشهر عند شريحة واحد، والشريحة تظهر في صفحة رقم 7 في العداد الجلوبالترونكس أو الاسكرا.
5- آخر أسبوع في الشهر يفضل توفير الطاقة على قدر المستطاع لأنك بتكون على أعلى شريحة.
6- الانتقال من شريحة إلى شريحة يتم خصم مبلغ من الرصيد على حسب الشريحة التي تم الوصول إليها.
7- عدم تشغيل العداد نهائيا أو لا يوجد عليه حمل يتم خصم 9 جنيه من الرصيد.
8- تأكد من ضبط الوقت والتاريخ عند شحن الكارت.
9- طريقة حساب أسعار الكهرباء للعداد الكارت المسبق الدفع هي نفس طريقة العدادات القديمة.
10- لو الكارت رفض الشحن عليك بالذهاب لشركة الكهرباء للتفعيل، وفي حالة التلف بيتم تغييره بمبلغ 30 جنيه.
11- في حالة ضياع الكارت يتم الاحتفاظ بقيمة الشحنة الموجودة به في ذاكرة العداد برقمها وقيمتها ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بأرقامها وقيمتها، وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا.
12- هناك حل لو فصل العداد إنذار والكارت غير موجود بجانب العداد، لو أنت في الشغل والكارت معاك وفصل العداد إنذار ممكن اللي في البيت يقوم بإدخال بطاقة رقم قومي أو فيزا بنك في العداد فيعود التيار الكهربائي فورا حتى عودتك بالكارت.
13- لا يمكن تبديل مكانه أو تغيير الأسلاك المرتبطة به دون الرجوع لشركة الكهرباء.
14- في حالة زيادة الأحمال عن المسموح به والمقدر ب80 أمبير يفصل التيار الكهربائي تلقائيًا، ولو تكرر لثلاث مرات يفصل التيار الكهربائي بالكامل، ولا بد من العودة لشركة الكهرباء لتشغيله مجددا.