السيسي: «يا كل المصريين أي إنسان هيحتاج شقة إحنا بنوعده بفضل ربنا هنوفرها»

وجه الرئيس عبدالفتاح السيسي الشكر للبنوك وصندوق تحيا مصر لمساهماتها في مشروعات الإسكان، ووزارة الإسكان وهيئة المجتمعات العمرانية، وتحملها العبء الأكبر للخروج بهذا المشهد العظيم.
وقال الرئيس السيسي، تعقيبًا على كلمة وزير الإسكان الدكتور عاصم الجزار: «إننا نذكر كل اللي ساهموا معنا زي ماحنا قلنا كده إن فيه البنوك أسهمت مساهمة ومازالت تساهم، وأنا بوجه لهم الشكر على المساهمات التي بيقدموها في المشروعات التي تنفذ في هذا المجال، وبشكر صندوق تحيا مصر اللي هو عبارة عن وعاء المصريين كلهم بيقوموا بمساهمتهم فيه، وهو بيشارك في هذه المشاريع وعناصر تأسيسها، ثم طبعا، وزارة الإسكان أو هيئة المجتمعات العمرانية بتتحمل العبء الأكبر من أجل أن نطلع بالحالة أو المنظر الذي نراه الآن».
وأضاف: «وأنا بس مش عارف الكلام اللي عايز أقوله ده يا دكتور مصطفى سيكون مقبول ولا لا، في عندنا منازل أو إسكان يسمى زلزال 1 و2 و3، متسائلًا هو كام أوضه؟.. فأجاب: أوضة وصالة أو اتنين وصالة، أنا عايز أقولهم نفتحلهم الباب إنهم يتقدموا لينا، بطلبات وطبعا بمقدمات فلوس يعني، بس تكون معقولة بحيث أقدر أقول للفريق محمد زكي زي ما إدتنا حتة الأرض ديه، برضه محتاجين حتة أرض تانية من المعسكرات، فيعني لو سمحتلنا يا محمد يعني، فنعمل لهم حاجة».
وسأل الرئيس السيسي، رئيس الوزراء الدكتور مصطفى مدبولي «هما 22 ألف وحدة؟»، فأجاب: «أيوه يا فندم».
ثم قال الرئيس: «هو أمر غريب لأنهم عايشين بالفعل، ولكن هم لو عايزين يغيروا إلى مساكن أفضل ممكن نعملهم نظام تمويل واللي عايز منهم، ولو إحنا قدرنا بهذه الطريقة نعمل إحلال لمنشآت بالمثل ده، وهما خمس أدوار وإحنا هنا بنعمل 10 أدوار وبالتالي هما 22 ألف وحدة، سنكون قادرين على عمل 44 ألف وحدة، وهذا في إطار الكلام اللي قولته في الأول وبقوله، يا كل المصريين أي إنسان هيحتاج شقة يا دكتور مصطفى إحنا بنوعده بفضل ربنا هنوفرله الشقة» .