الولايات المتحده الانسانيه

الولايات المتحده الانسانيه UNITED STATES HUMANITARIAN
ايه الولايات المتحده الانسانيه دى ياعم صلاح..فرقه جديده صعدت للدورى الممتاز
لا,,مش فرقه جديده ياعم احنا مش ناقصين فرقه(بضم الفاء) كفايه الفرقه اللى احنا فيها
طب ماتقول هى ايه ولا دى فزوره عايزنى احلها,,طب هتدينى كام لوحليتها
برضه لا,,مش فزوره ,,مش كفايه الفوازير اللى احنا فيها
طب غلب حمارى قول بئه
الولايات المتحده الانسانيه دى دوله جديده ياسيدى ,,استريحت
دوله جديده؟؟وفين الدوله دى..اْوعى تقولى ان الثورات العربيه اللى بتحصل نتج عنها تفكك الدول الكبيره وتكوين عدة دول صغيره
اهو ده اللى انا كنت خايف منه ..ياخبر اسود ومطين..قولى ياعم حصل فين الانفصال ده
ياعم اْصبر شويه عليا..ماتخافش ياعم مش انفصال بالعكس ده اتحاد
هههههه..اتحاد..لاماتقولش..
بتضحك على ايه يابنى
اْصلك فكرتنى بالذى مضى ..فاكر الجمهوريه العربيه المتحده ..بتاعة مصر وسوريا وليبيا
اْيوه ياعم فاكر..بس الاتحاد ده فشل لانه كان جاى من فوق..من الحكام ..لكن المره دى الاتحاد جاى من تحت اتحاد بين الشعوب وبعضها
الشعوب اللى فاقت وعرفت تاخد حقها من جلاديها وفراعينها
طب وايه هى الدول اللى اتحدت المره دى ياسيدى
السودان-مصر-ليبيا-تونس-الجزائر-المغرب
واللهى كويس..اهى دول جنب بعضها..طب اْنا ممكن اساهم معاكم فى الاتحاد ده بحاجه بسيطه
لاياسيدى احنا مش محتاجين مساعدات ولاتبرعات ولا قروض ولا منح ومش هنسمح لحد يتحكم فينا
انتى فهمتنى غلط,,انا هساهم بفكره
قول ياسيدى
اقترح ليكم اسم للعمله الموحده اللى هتعملوها,,ايه راْيك يكون العمله دى اسمها (مولار)على وزن دولاريعنى..والاسم ده مشتق من اْحرف الدول السته اللى بيتكون منها الاتحاد بتاعكم
تشكر ياسيدى وعموما هنعرض الاسم على المجلس الرئاسى لان احنا اتفقنا ان مفيش قرارات فوقيه ولازم الشورى
ياسلام ..بتتكلم بجد
اسكت بئى خلينى احكيلك شويه عن بلدنا الجديده
قول ياعم
السودان عندها اراضى زراعيه من اْخصب الاراضى الموجوده فى العالم
ومصر المحروسه عنده ايدى عامله من احسن الايادى العامله فى العالم
وليبيا عندها بترول من احسن انواع البترول الموجود فى العالم
والجزائر عندها بترول وغاز طبيعى وفوسفات ومانجنيز
وتونس والمغرب عندهم ثروات معدنيه .....
ايه راْيك بئى ياسيدى
ياااااااه ,,عظمه على عظمه,,دا انتم كده هتكونو احسن من النمور الاسيويه الجديده
واْيه حكاية الانسانيه دى ليه ماسمتوهاش الاسلاميه..الولايات المتحده الاسلاميه....
ليه يعنى ..هما الناس اللى مش مسلمين وعايشين معانا فى الدوله دى مش تبع الانسانيه ولا ايه
ياحاج صلاح,,ياحاج صلاح,,ياحاج صلاح
اْيوه ياحاجه..استنى لما اْشوف المتخلف ده بيقول اْيه
الراجل باين عليه بيحلم..قوم ياراجل..الفجر بياْذن
الفجر؟؟
خير اللهم اْجعله خير
انا كنت نايم بحلم ..بس هل ممكن الحلم ده يتحقق؟؟؟؟؟