مش من حقى أقولك لأ.. دا أنا مليت من كتر الزق.. بس خلاص مخنوق وهطق.. هتكلم وهقول الحق.. بدل الطيشة هحول بق.. مش من حقى أكون إنسان.. حقى أعيش من غير عنوان.. لما أضحك بيقولوا مجنون.. وأما ابكى بيقولوا جنان.. وأما اصرخ وأعلى الصوت بيودونى للشيخ مرجان.. بيرقصنى فى حفلة زار ويطلع من جسمى الجان.. أو يمكن يطلع متدين ويشغل ايتين قرآن.. مش من حقى اختار فى حياتى.. أصل دى مش ضمن اختصاصاتى.. كل الناس بتحرك فيا زى ماكون فاقد اتجاهاتى.. مش من حقى أعيش فى هدوء.. وحياتى أشبه بالسوق.. كل الناس يقولولى ياذوق.. اهدى ونفض بس وروق.. مش من حقى أقولك لأ.. دا أنا مليت من كتر الزق.. بس خلاص مخنوق وهطق.. هتكلم وهقول الحق! [email protected]