ثوره صناعه امريكيه هههه

اللي بيقولوا بلاش تنزلوا التحرير هما برده اللي قالو كده في الثورة الاولي وقالو اننا بلطجيه وبناخد فلوس وبناكل كنتاكي خليكوا قعدين في بيوتكم بس ياريت تتكتموا وبعد الثوره التانيه ما تنجح ما تنسوش تقولوا انكم كونتوا بتايدوها وانكم شاركتوا كمان فيها!!
وكمان في تواطؤ وتباطؤ ومش فاهمين المجلس العسكري عاوز ايه مننا بالظبط في اول الثوره ايدنا ووقف معانا ودلوقتي بيقوم بنفس الدور اللي كان بيقوم بيه نظام المخلوع امبارح في برنامج اخر كلام مع الاعلامي يسري فوده كان بيتناقش هوه ونواره نجم ووائل خليل وعمر الهادي وضياء رشوان وبيدعوا لجمعة الغضب الثانيه وكل اللي هما وانا وغيري كتير بننادي بيه عيش حريه عداله اجتماعيه وفي وسط الكلام جاتلهم مداخله تليفونيه للواء السابق حسام سويلم ووصف الثوار بقي بالعملاء واننا بيجيلنا تمويل امريكي ومحدش عرف يتكلم معاه من كتر نرفزته سوال بقا هوه احنا عملنا ثوره عشان حد تاني مهما يكون ييجي ويتحكم فينا ويحكمنا واننا اما نطلع يوم الجمعه هنقسم مصر لدويلات وشرق اوسط جديد ايه الكلام الفاضي ده بقا هوه ده المجلس العسكري اللي هيحمي الثوره اه هتقولولي ده لوا سابق طيب لو كلامه غلط ليه ما طلعش حد من قيادات المجلس العسكري يعتزر علي اللي هوه قالوه ليه احنا تعبنا وزهقنا من التعتيم والالتفاف علي الثوره حرام بقا ارحمونا حرام