برضه هنحرر مصر

كانت بنات مصر ف ليلنا بِتبُرق ... فَخلوا شمس رجالة مصر من الضلام تُشرُق ... والأتنين مِسْكوا النهار وما خلَهووش يُمْرُق...ومنعوا الليل يتزرِق لِنْهارْهُم ويُزنُق ... فقاموا بثورة مفْخَرة ... ف العالم مش مِكْررة ... علامة فى التاريخ اللى انكتب واللى اتقرا ... عازوا بلدهم زهرة مْزهرة ... من كل القيود متحررة... لِتتفتح عقول مصريين متنورة ... اهدافهم واضحة مقررة ... وتحركاتهم كانت مُقدّرَة .. ووجهم بالحلم مُعَبّرَة ... عبقوا بلدنا بريح مسك معطرة ... وصنعوا بدما شهداهم ترياق لسم الفساد اللى فى جسم بلدنا سَرَا ... امال ايه اللى جره ... الفسدة بيعاملونا مكشوف مش فى الدْرا ... بين مخفى ف قلبه أشْعَرَه ... وهانم عايزة قسطرة ... وحكومة خايبة مْسيّرَة ... وشرطة حلوة مقصرة ... وبلطجية مسيطرة ... ومفييش بضاعة لا بتنباع ولا بتِنشَرَه .. ومجلس حالته مَأَفْوَرَة ... وناس قلقانة متحيرة ... رايحيين لأُدام ولا جايبيين ورا ... وناس قعده بدينها بتضرب بعضها ... وناس ما بتعمل وتطلب حقها ... وأفكارهم متهورة ... سايبين بلدنا متعريّة وف العرا ... وبنغطى بلاد غيرنا بقمَشْنا الدايب لكل من يَرَا ... وعاوزين نحرر العالم بالتجعيير والفشخرة ... دحنا هنبقى مَعْيَرة ... ده الشعب عايش مسخرة !!!! .. دى اتارى مصر كانت كبيرة ... ومش بالفقر صغييرة ... لما أصحاب العرووش الوثيرة ... اللى عاملين بيها هُليلَة وسيرَة ... اللى عروشهم فى عيونهم بقت فقيرة ... يتفقوا مع ذيول فساد عاشوا ف بلدنا ف فخفخة ... ولما سبوها سَبوهَلنَا مفخخة ...ولأوصالها مشخشخة ... اللى قالوا ع الثورة ف مهدها فَوْرَة ... وف حلق البلد زَوْرَة ... وهتنفض لما تعالبنا تدور حولهم دَوْرَة ... ولما بقت ثورة ... حبوا دلوقتى يخلوها فى عيونا عَوْرَة ... .دى مشاهد كئيبة ومصر أدّها ... وهتعلق من ودانه كل اللى ضدها... واللى بطرف عينه يمس عرضها ... تجره من ضيق نَفسُه لِوسع أرضها ... ويكووون أمله ف عزرائيييل ... لما تنهش أسود مصر روحُه بعَضّها ...د أحنا واقفين على قنطرة ... يانخللى بلدنا متحضرة ... يانخليها بأيدنا متحدرة !!!!!!!!