سمية الخشاب في آخر ظهور لها: «أنا أصلًا متخانش» (فيديو)

ظهرت الفنانة، سمية الخشاب، مع الإعلامية رضوى الشربيني، الجمعة الماضية، عبر برنامج «هي وبس»، المُذاع على فضائية «CBC سفرة»، إذ احتفلت أيضًا بأغنيتها الأخيرة «بتستقوى»، التي تتضمْن رسائل ضد العنف الأسرى والابتزاز العاطفي.
طرحت «رضوى» سؤالا على «سمية» بخصوص «الخيانة»، لتُجيب الأخيرة ب: «في حاجات لازم تدي فرصة فيها، ولو لقتيها بتتكرر لازم تخلعي، أنا مستحملش الخيانة، وأنا أصلًا متخانش».
وأضافت: «الخيانة لا تغُتفر، الرجل الخاين هيفضل طول عمره خاين، وبقول لأي ست لو خانك قوليله (باي والقلب دعيلك)».
واستكملت: «الخيانة درجات، ولكن إزاي تقبلي جوزك يخونك، عينك مش مليانة بالسلامة، تضيعي وقتك ليه مع واحد معندهوش ثقة في نفسه، بتبقى في بنات كتير حلوين وزي القمر، بس هو أساساً في دمه الخيانة، وعينه فارغة».
وفي نهاية الحلقة، توجهت بنصائح للسيدات: «المدمن مش مستحيل يتعالج، بس لو معندهوش إرادة ابعدي عنه ومتضيعيش وقتك، لأن النهاية وحشة، والخاين هيفضل طول عمره خاين، الرجالة مش نهاية الدنيا».
وأضافت، مُخاطبة الرجال: «أتمنى كل الستات يكون عندهم فلوس، وعندها ضهر وشغل، وأحب اوجه شكر للرجالة المحترمة».