محمد سامي: «لو بتأثر بالنقد السلبي كنت بطلت من زمان»

كشف المخرج محمد سامي عن كواليس قراره باعتزال الإخراج التلفزيوني معلقًا على أخبار قراره بالهجرة من مصر، مشيرًا إلى أنه في فترة استراحة محارب مؤكدًا على أنه بعد سنوات العمل والخبرة أصبح لا يتأثر بالنقد السلبي.
ورد سامي على إمكانية تواجده في موسم رمضان 2027 قائلاً:« مفيش حاجة أنا متأكد منها.. اللي أنا متأكد منه إني لما كتبت البوست اني كنت محتاج راحة وأنا مقرر ده من فترة طويلة وكنت مستني أخلص مسلسل «أش أش» و«سيد الناس» وبعدها أخد الخطوة دي» مضيفا خلال لقائه مع «et بالعربي» :«مفيش حاجة تجبر الفنان إنه لازم يشتغل كل سنة .. لازم يقعد يرتاح شوية ويفكر وأنا محتاج اقعد أفكر واتعلم حاجات جديدة».
وتابع قائلاً:«دي استراحة محارب أقعد أفكر واتعلم حاجات جديدة كنت مأجلها ويمكن ده يساعدني إني لما أجي أقدم حاجة اقدمها بشكل أفضل» وعن تداول أخبار بشأن هجرته من مصر علق محمد سامي قائلاً :«مفيش هجرة ولا اعتزال مصر في قلبي وأهلي هناك وأنا مقدرش أعيش بعيد عن مصر».
ورد سامي على إمكانية تأثره بالتعليقات السلبية قائلاً:«طالما بقدم عمل فني أكيد في نقد وكل ما العمل بيتشاف بيزيد النقد السلبي والإيجابي وبعد سنين الشغل دي كلها مش بيأثر فيا النقد السلبي، ولو كنت بتأثر بالنقد السلبي كنت بطلت من زمان».
View this post on Instagram
A post shared by ET بالعربي (@etbilarabi)
إقرأ ايضا: محمد سامي عن المشاهد الجريئة: مش هسأل 300 مليون عربي تحبوا تشوفوا ايه؟
آخر أعمال محمد سامي
يذكر أن المخرج محمد سامي كان قد شارك في موسم رمضان 2025 للمرة الأولى بعملين «إش إش» من بطولة مى عمر وانتصار وهالة صدقي وماجد المصري ومسلسل «سيد الناس»، من بطولة عمرو سعد وإلهام شاهين وأحمد فهيم وأحمد رزق وأحمد زاهر.