احنا آسفين يا آنسة

احداث امبابه ..12 قتيل و 240 مصاب و حرق كنيسه السيده العذراء بالوحده و العديد من المباني و المحلات السكنيه ...مصيبه.
الشيخ "محمد على" إمام وخطيب مسجد التوبة بإمبابة، وأحد كبار القيادات السلفية بالمنطقة يقول ان قصه الفتاه الحتجزه بالكنيسه كذبه ...مصيبه تانيه
موقع الجماعه الاسلاميه (عبود الزمر و طارق الزمر و الناس الحلوه اللي قتلت السادات ) ينفرد باول لقاء مسجل مع عبير "البطله " تقول فيه انها اسلمت و تزوجت من ياسين "بطل القصه " عرفي و ان الكنيسه احتجزتها قسرا و هربت منهم لما وقع في ايديها تليفون محمول كلمت ياسين و قالتله و طبعا ياسين لم الرجاله و راح يحرر القدس !!.
الاخت عبير في حديث على الهاتف مع محمود سعد على قناه التحرير تؤكد انها لم تتزوج من ياسين و انها ماكلمتش حد و مش عارفه ازاي الناس وصلولها ..و انها كانت هناك في كنيسه مارمينا بعد ما اهلها سلموها هي و بنتها محتجزين و انها لسه ماتجوزتش ياسين لانها لسه (قانونا )على ذمه الراجل المسيحي جوزها.
محكمه الاسره بقويسنا تنظر دعوه يوم 29-5-2011 لتفريق عبير عن جوزها المسيحي بعد ان رفعت الدعوه يوم 20-3-2011...و في نفس الوقت الاخ ياسين بيقول انها مراته بعقد عرفي و سلملي على جوزك يا اسماعين بيه !.
الشيخ اشرف ابو انس الشهير ب "الراجل اللي ولع ف امبابه " في فيديو على اليوتيوب بيقول انه "سمع " ان فيه اخت محتجزه في الكنيسه و راح يحررها .و بعد وصله الردح و الشتيمه بيقول ان المسيحين معاهم اسلحه و نار و اختتم حديثه ب "مانبقاش رجاله لو مولعناش في كنايس امبابه ".
الشيخ ابو انس "ايوه نفس الراجل اللي ولعه في امبابه " بيقول انهم كانوا بيطفوا في حريقه الكنيسه في فيديو و في الفيديو اللي بعده بيقول ان اكيد ماقلش نحرق الكنايس ...دا كلام مجانين يا خونا و اشاعات مغرضه ..احنا اسفين يابو انس
وزير الداخليه منصور العيسوي و وزير العدل الاتنين بينفوا تماما وجود اسلحه في الكنيسه ...
الاخت عبير بتقول -في حديثها مع محمود سعد- ان اهلها سلموها للكنيسه 1-3-2011 و انها كانت محبوسه في اوضه مافيهاش شباك حته ..و دعوى تفريقها عن جوزها اترفعت يوم 20-3-2011 ..دي اكيد معاها طقيه الاخفه بقى .
يوه شفتم نسيتوني اقلكم مش الاخت عبير طلعت انسه ..ايوه بجد انسه ..و انسه يعني مازمازيل لاصحاب اللغات الاجنبيه منكم و دي معناها كده انها مش متجوزه و لا عمرها مشيت في الحرام حتى و لا عندها بنت و لا اي حاجه خالص ..عبير انسه يا رجاله ...احنا اسفين يا انسه !!
عبير التي لم تقل كلمه صادقه حتى الان بل و اقرت انها انسه في وثيقه اسلامها و تنصلت من غريزه الامومه الغريزه الاقوى بين غرائز الانسان ...هل تستحق كل هذا؟!!! لا اعتقد .