السيسي: قسما بالله مفيش مخلوق يقدر ياخد جنيه من الدولة (فيديو)

قال الرئيس عبدالفتاح السيسي، السبت، إنه خلال الأسابيع القليلة المقبلة سيتم افتتاح مزارع الإنتاج الحيواني، «بنعمل مجازر على أحدث مستوى، نعطي فرصة لشبابنا والمصريين لزيارة المزارع قبل 30 يونيو 2018»، مشيرًا إلى أن طن اللحوم المجمدة بلغ 2750 دولارا.
وأضاف السيسي، في كلمته بافتتاح عددا من المشروعات القومية بكفر الشيخ: «بنعمل المشروع بشكل متكامل، الدولة اللي بتعمل، وليس القوات المسلحة فقط، القوات المسلحة تمثل الدولة، يعني الفريق صدقي بيحط الفلوس في جيبه؟ بكلمكم بجد، قسما بالله مفيش مخلوق يقدر ياخد جنيه، أنا أسف أوعى تزعل، مفيش كلام من دا في البلد، الجنيه براجل ميضعش كدا، مفيش حد يمد إيده على حاجة، ميصحش حد يقول دا جيش ودا، لا الجيش موجود عشان يساهم في خطة التنمية بتاع القوات المسلحة كذراع آخر لصالح التنمية في مصر نتيجة حجم الجهد المطلوب من الحكومة والقطاع الخاص الاتنين مع بعض لو هيلبوا الغرض هيلبوه بس هياخدوا وقت أكتر، قولت نبذل ونعمل محفر أكتر وندخل القوات المسلحة في بعض المشروعات التي تمس حياة الإنسان، اللي عايز منتج بسعر معقول خاصة أننا نزيد بنسبة كبيرة كل سنة وبالتالي حجم الطلب يزيد على السلع الأساسية كاللحوم والأسماك والزيت والدواجن، خلال أسابيع قليلة سنفتتح مزارع الإنتاج الحيواني، بنعمل مجازر على أحدث مستوى».