سيدات يكسرن حاجز الصمت عن الختان: «عملت كده بسبب خوفي من كلام الناس»

«كفاية ختان بنات».. حملة لوزارة الصحة والسكان برعاية «المصري اليوم»، تهدف إلى توعية المجتمع بالأضرار النفسية والجسدية للفتاة نتيجة الختان، بجانب إلقاء الضوء على أن تلك الجريمة ليس لها أي أساس ديني.
ترصد الحملة شهادات لسيدات وفتيات كسرن حاجز الصمت، وروين حكاياتهن مع الختان عبر قصص واقعية في صعيد مصر.
وفيما يلي أبرز تلك القصص:
«من كتر خوفى من كلام الناس... عملت كده في نفسى»
«أنا حالياً عمرى 35 سنة أخدت دبلوم فنى، ومتجوزة وعندى تلات بنات وولدين، وأنا ست بيت، هاحكى لكم على اللى عملته، أنا ماكنتش متختنة، ولما جالى العريس كنت فرحانة جداً، ولكن الفرحة ماكملتش لأن أصحابى وجيرانى خوفونى جداً لأنى مش متختنة، ومن كتر الكلام والخوف دخلت الأوضة ومعايا فتلة ولفتها عليها- تقصد البظر- لغاية ماتقطعت، ولكن بعد كدة حصلى نزيف وورمت وتعبت قوى، فأخدتنى أمى للمستشفى، وهناك شتمنى الدكتور بسبب اللى عملته في نفسى، وقلت له إنى كنت خايفة من الكلام إن جوزى مش هايرغب فىَّ علشان أنا مش متختنة، ولما اتجوزت، جوزى قال لى ماتخفيش كان لازم تقولى لى وأنا كنت قلت لك ماتعمليش كده، فقلت له من كتر خوفى من كلام الناس عملت كده في نفسى، قال لى ماتسمعيش كلام الناس بعد كده، فقلت له مش هاختن بناتى أبدا،ً وأنا دلوقتى عندى تلات بنات ومش هاختنهم أبداً».