بالفيديو.. «حجاجوفيتش» يوضح «لماذا غرقت الإسكندرية؟»

سجل الرحالة المصري أحمد حجاجوفيتش، فيديو يقارن فيه بين تعامل دول العالم مع مياه الأمطار والسيول، وما حدث في الإسكندرية، وقال إن «نص ساعة مطر (غرقت الإسكندرية في شبر ميه) وكل ده بسبب الغياب التام للبنية التحتية)».
وقال «حجاجوفيتش» في صفحته على «فيس بوك»، الثلاثاء، إن معظم بلاد العالم، الدنيا عندهم بتمطر بالساعات وبتستمر في بعض الأوقات لأيام متواصلة، لكن لما تنزل الشارع بعد 5 أو 10 دقائق بعد المطر والسيول، لا يمكن إنك تتخيل إنها كانت بتمطر أصلاً وكأن شيئاً لم يكن.
وأضاف: «كل ده عشان البلاد دي بتعمل (بنية تحتية) صح تدوم على الأقل 15 سنة قدام، ومن أهم الحاجات اللي الحكومات بتركز عليها في البنية التحتية للدولة هي (الشوارع وبلاعات صرف مياه الأمطار)».
وأشار «حجاجوفيتش» إلى أن المشكلة الرئيسية في «غرق الإسكندرية» بسبب مياه الأمطار يرجع ل«ضعف البنية التحتية»، مضيفا: «بلاد العالم بتبني البنية التحتية وبترصف الشوارع بتاعتها ب(ضمير حي)».
واستقال هاني المسيري، محافظ الإسكندرية، بعدما امتلأت شوارع المحافظة بمياه الأمطار والسيول، ووفاة 8 مواطنين صعقا بالكهرباء بعد سقوط عمود إنارة، وكابل الترام في المياه.