المارد اتقلب الناحية التانية

ثورة .....مين قال أن فيه فى مصر ثورة !! دي ثورة تهييس
مين ال ... اللي بيقول أن فيه ثورة
الحركة اللي حصلت-علي رأي عمو شفيق- دي حركة شباب سيس
شباب فيس بوكي ومتوتر
فعلاً ثورة أيه
د.مصطفي محمود اللي بيتبري من ميدانه حالياً وبيتألي في رقدته قال، هناك من يناضلون من أجل التحرر من العبودية وهناك من يطالبون بتحسين شروط العبودية
أحنا لسة عبيد مش مناضلين أحنا بنطالب بالمم والماء واللبس والفسح والواد يتثبت فيستعبد والبت تتجوز فتستعبد
والحلزونة يا اما الحلزونة، الثوار بتفشل، النظام يريد أسقاط الثورة وأثبت أنه الأقوي والأصلح والأكثر ترابط والأكثر أنتشار أقوي من الشعب اللي بيخاف من ظله خوفونا بالبورصة وأنهيار أقتصاد مصر وسبوا ولعنوا في الثورة والشباب السيس اللي ضيعوا البلد، يا تري يا شعب يا مصري يا خايف يا مرعوب علي أقتصاد مصر من شهرين بس، ولم تكن تفهم يعني أيه بورصة بقالك 30 سنة غير البورصة اللي بتشرب فيها الشاي والقهوة
أخبار البورصة ايه النهاردة !!
خوفونا بالأكل والشرب أنه حيخلص في شهرين- الله يرحم تصريحاتك النارية يا شفيق- يا تري بيتك فيه أكل ولا لا، بس عمرك ما فكرت يا شعب يا عظيم في 20 مليون مصري تحت خط الفقر من 30سنة
د.يحيي الجمل
شهرين عشان تغير القيادات الورق اللي ضيعت مصر خوفا من ضياع وأنهيار مصر
أشد في شعري !!
أنت خايف من أنهيار النظام السابق يا دكتور يا محترم
وأعطته قبلة النجاة وبكل بجاحة في الحوار الوطني لسة في ناس بتقول مصالحة!! مصالحة مع مين؟
كل خمس دقائق الجيش يرجع ثكاناته الجيش يرجع ثكناته وكأن عاشر أكبر جيش في العالم منتشر في شوارع مصر الكام مدرعة دول اللي حيصدوا العدوان الثلاثي مصر يا بشر حاربت بثلث تعداد الجيش بتاعها الحالي
وعجلة الأنتاج
بيضحكني حتي البكاء هذا التعبير
أنتاج أيه ؟؟
هي مصر بتنتج حاجة وانتم مخبيين علينا
ياتري بننتج قمح مثلاولا عربيات ولا بننتج ادوية ولا بننتج تلفزيونات حتي
فوقوا من الوهم اللي عايشين فيه من 30 سنة
مصر بلد مستهلكة اخرها تجمع قطع غيار
ابشروا ابشروا يا شباب الاستقرار
مصر استقرت خلاص زي المارد لما يكون في ثبات عميييييق واللي حصل بس انه اتقلب الناحية التانية
عمل حركة علي راي شفيق
لكنه لم يبارح مكانه
وسلامي لدماء الشهداء ونور عين المصابين
تحياتي