ريهام سعيد لجمهورها: «اللي مش مصدقني مع ألف سلامة يطلع بره صفحتي»

كشفت الإعلامية ريهام سعيد، عدم أعلنها الحداد على شهداء الجيش في تفجيرات العريش، الأخيرة، بينما توقفت عن الظهور تضامنًا مع قتلى مذبحة استاد الدفاع الجوي.
وقالت «ريهام سعيد»، في حسابها على «فيس بوك»، مساء الخميس: «للرد علي الجمهور المحترم، ليه معملتيش حداد علي جنود العريش؟ جنود العريش استشهدوا يعني احياء و جزاءهم الجنه لأنهم كانوا بيدافعوا عن الوطن، وتضامنا معاهم بأن أحنا رحنا العريش بدون تامين وساعدنا وعالجنا المصابين و دلوقتي جاري ترميم البيوت عن طريق صبايا الخير».
وتابعت: «لكن الأبرياء اللي ماتوا، ماتوا ليه؟، مين اللي موتهم وحقهم فين؟، و اخيراً مع كل الاحترام أنا مش محتاجه حد يصدقني خالص انا مش بعمل كده عشانكوا، ولا إنتوا الي بترزقوني و لا مدييني النعم اللي أنا عايشه بيها حتي حبكم ليا ده فضل من الله مش من عندكم».
وهاجمت منتقديها قائلة: «لوسمحتم اللي مش متضامن أو مش مصدق مع الف مليون سلامة يطّلع بره الصفحة ومايتفرجش على البرنامج. مابيخونش الناس غير الخاين وما بيكذبش الناس غير الكذاب، و كل احترامي و حبي وتقديري لجمهوري العظيم».
اشترك الآن لتصلك أهم الأخبار لحظة بلحظة