نجل رئيس الزمالك ل«جابر»: «عيب أوي تعمل بطل علينا».. وقيادات الألتراس تسببوا في قتل زملائهم

هاجم أحمد مرتضى، عضو مجلس إدارة نادي الزمالك والمتحدث الرسمي، عمر جابر، لاعب الفريق، بسبب رفضه المشاركة في مباراة إنبي، التي شهدت كارثة استاد الدفاع الجوي، مساء الأحد.
وقال نجل رئيس النادي في مداخلة هاتفية لبرنامج «أسرار الملاعب» على قناة «إل تي سي»، مساء الثلاثاء، إن «عدد التذاكر اللي استلمها الجماهير 8300 تذكرة، ولما ييجي يموت ناس نتيجة التدافع يبقى القاتل من دعا لحضور أكثر من 10 آلاف شخص».
وأضاف: «اللي ماتوا مش ألتراس، لأن دلوقتي كله بيتاجر بالدم، اللي ماتوا من ضمنهم بطل نادي الزمالك في السباحة، رئيس الزمالك شخصيا منحه تذكرة».
وتابع: «ومن بين اللي ماتوا ناس معاهم تذاكر، يعني ده بيكذب شعار مت ليه أصل مكنش معايا تذكرة».
وطالب نجل رئيس الزمالك بمحاسبة قيادات الألتراس لأنهم «يدعون لتجمعات وتظاهرات في جروبات سرية على فيس بوك، وتسببوا في قتل مشجعي الفريق».
وشدد: «من غير تحقيقات نيابة اللي دعا لتواجد أكثر من 10 آلاف واحد هو ده القاتل».
وكشف نجل رئيس النادي أن «مجلس الزمالك سيطالب الدولة، الأربعاء، في اجتماعه الطارئ بحظر روابط ألتراس لأنهم بيقتلوا أعضائهم»، مضيفا: «البهوات اللي مش خريجي حاجة ومش متعلمين بيرموا الشباب الصغير للتهلكة».
وحمل أحمد مرتضى الحكومة مسؤولية كارثة استاد الدفاع الجوي، مضيفا: «لأنهم مش عارفين يعملوا مشروعات القوانين».
وعن عمر جابر، قال: «أقسم بالله أننا لم نعلم بوجود وفيات طوال المباراة، واللاعب اللي عامل نفسه بطل علينا، لو كان عارف بوقوع وفيات كان يقعد في نص الملعب وقال متلعبوش الماتش، وكنا هنلغي المباراة».
وأتم: «عيب أوي اللي بيعمله ده، إحنا عندنا لاعيبه محترمة».
اشترك وخليك في الملعب لمتابعة أخبار الدوريات