مرتضى منصور يعلن ترشحه رسميًا للرئاسة: «عدلي» في «غيبوبة»

أعلن المستشار مرتضى منصور، رئيس نادي الزمالك، ترشحه في انتخابات رئاسة الجمهورية رسميًا، الأحد.
وقال «منصور»، خلال مؤتمر صحفي: «كلام واضح عشان الناس اللى بتطبطب وتبوس، الإضرابات والاعتصامات يجب وقفها لعام كامل حتى تستعيد مصر عافيتها وقوتها.. كل واحد متخانق مع مراته يروح يقطع السكة الحديد، ده كلام غير مسموح به».
وأضاف: «هناك حالة من الفوضى في البلد، في أسوان الطرفين المتقاتلين بيطالبوا بمعاقبة الشرطة، أنا مندهش، إزاى تعاقب الشرطة وأنت اللى قتلت».
وأشار إلى أنه لو كان رئيسًا للجمهورية فإنه كان سيأمر بحظر التجول في مناطق الاشتباكات في أسوان، وإعلان الأحكام العرفية «الطبطبة والدلع اللى بيحصل ده مش هيحصل.. الناس اللى ماتت فى حرب 73 مش قد اللى مات فى أسوان ومصر من 25 يناير إلى الآن».
واعتبر أن «مصر فيها ترسانة من القوانين لكنها لا تطبق، عدلي منصور رغم إنه رئيس مؤقت إلا إنه مطلعش بيان واحد وكأنه غير موجود وكأنه في حالة غيبوبة، نايم خالص، وكل يوم شباب بيموت والبلد كلها بقت دم».
وقال إن سبب الإرهاب في مصر يعود إلى انتشار البطالة والفقر والمحسوبية، مُضيفا «الجهاز الإداري محتل وسط البلد ومصر الجديدة، وفي وزارات وإدارات وناس بتنام في العشوائيات اللى بيطلع منهم الإرهاب».
ودعا إلى إخراج مباني الجهاز الإداري للدولة ونوادي الجيش والشرطة من منطقة وسط القاهرة، وبناء عقارات مكانها لسكان العشوائيات ومن ليس لديه سكن، وقال «أنا مش محتاج الحدائق الكبيرة»، معتبرًا أنها يمكن الاستغناء عنها حلا لمشكلة الزحمة.
وحول مشكلة سد النهضة الإثيوبي، قال: «فيه اتفاقيات دولية تحكمنا، كان فيه فكرة للكيان الصهيوني ياخدوا حتة من مصر ويدوها للفلسطينيين، ويوصلوا مياه نهر النيل إلى إسرائيل»، مؤكدًا أن «الأرض الفلسطينية ستعود بالكفاح المسلح ضد الإسرائيلين».
وطالب بإسقاط الجنسية عن قيادات «الإخوان» الهاربين إلى قطر، «مشكلتنا مع الأسرة الحاكمة قطرية.. ده اللى خدناه من قطر زي ما حصل في ليبيا والسودان.. فين العراق.. وما يحدث في سوريا ليست ثورة».