بلاى ستايشن مع النظام

اعتبر رجالتنا و بناتنا وهم بيعملوا الثورة انهم بيلعبوا دور بلاى ستايشن مع الحكومة وده كان اكبر دليل على ان شبابنا كانوا داخلين عايزين يكسبوا الدور يعنى من الاخر ياقاتل يا مقتول .ودى الحاجة اللى النظام مافهمهاش خالص. الشباب لعبوا الدور بحرفنة وصمدوا حتى نهاية الشوط الاخير من غير اى ياس واتحدوا كل وسائل النظام المتخلفة لهد عزيمتهم .خلال الشوط الاول كان بعض الشخصيات شايفة انهم شوية عيال مش مؤدبة زى الفنان (ح.ى) وزوجته (ش.ا)التى هى سورية الاصل يعنى مالهاش فى الكلام ده والممثلة (س.ا) اللى كان موقفها فى منتهى العدائية انا عايزة اعرف الناس دى فين دلوقتى بعد مانجحت الثورة انا عايزة الناس دى تبان وتظهر وتتكلم ولا ال........ ما بيصطادوش غير الا فى المياه العكرة.فى الشوط التانى من الدور الشباب عزيمتهم بدات تزيد ويجمعوا معاهم ناس كتيرة حتى وسائل اعلام اجنبية علشان العالم كله يشوف الشباب المصرى وهو بيلعب ويعلم النظام التفكير الحديث ويوريهم الاساليب الجديدة مش نقطع النت والموبايلات زى ايام ابو جهل .المهم اننا قدرنا نهزم ابو جهل.وخلص الجيم بانتصار الشباب ( (game over