آن الأوان للبسمة ترجع

آن الأوان للبسمة ترجع
آن الأوان للبسمة ترجع والناس تعيش والكل يفرح
آن الأوان نبنى ونزرع نرمى السلام والكل يسمع
فى كل بيت وغيط ومصنع
لما الأمان يملا البيوت والكل يلقى هدمه وقوت
كل الفتن لازم تموت فى كل بيت وغيط ومصنع
آن الأوان للبسمة ترجع
زيحوا الحجارة أخلوا الطريق جلد الحضارة ناعم رقيق
عايز عناية عامل دقيق فى كل بيت وغيط ومصنع
آن الأوان للبسمة ترجع
صوت الزمان صحا المعانى والحب دايرويا الثواني
شايل فى كفه أحلى الأمانى فى كل بيت وغيط ومصنع
آن الأوان للبسمة ترجع
مصر التاريخ شوف يا غريب فيها القلوب صافية حليب
عاش الهلال جنب الصليب فى كل بيت وغيط ومصنع
آن الأوان للبسمة ترجع