بالفلفل واللمون

يا فندم إذا كان
اللى بيتكلم عاقل
يبقى اللى بيستمع مجنون
وبعدين كل شىء بيتم
ف وجود سيادة القانون
كل الحكاية
إن فيه دول بتبيع الغاز بالدولار
إحنا بقى بنبيع مقابل
شيبسى بالفلفل واللمون
وده من أجل أطفال مصر
وحضرتك أب وقلبك كبير
وحنون...
يا فندم حد يصدق كلام الجرايد
دى الحكومة ف حوارها مع الشعب
بتستخدم لغة العيون
فيه بعد كده حنان
إحنا بس محتاجين جو رومانسى
عشان يوصل المعنى
ونفهم المضمون
لا يافندم
مش أنا اللى بزعق
دى حرمنا المصون
تقريباً أنبوبة البوتجاز بتنفس
ومفيش نصيب ف كوباية الينسون
والنبى ما تشغل بالك
انت ف غربة
وما تنساش المرهم
لا إله إلا الله
باى باى