حبيب الكل

اتقيت ربك.. وماخفتش فيه لومة لائم.. حَبَّك ربك.. وحبب فيك خلقه.. ما هو ربك.. حنان جعلك فرقان.. عرفت تفرق به النور من الظلام.. وحسن خُلقُك علشان تبقى قريب من النبى العدنان.. ورزقك ربنا حب المسكين الغلبان.. وكان منَزّل عليك السكينة والهدوء كمان.. دا حتى الشياكة دى من رضا الرحمن!!
مش الشياكة فى البدل والقمصان.. وكمان بتبقى طالعة من جوه الإنسان.. عملت حساب ليوم الحساب.. وتزودت ليوم محتاج فيه الزاد.. وأخدت معاك فوق الزاد زاد.. وجعلك نصيب من دعوة مسكين غلبان.. فى سجوده بكيان.. وفى آخر كل صلاة فاتحة كمان.. مسكين لا شافك ولا حتى كلمك.. بس فى التليفزيون شافك، علشان المظلوم تعبان شقيان.. فاكرين من قال: ما تعارف منها ائتلف..
وقبل ما تروح لرب حنّان.. تركت كنز التقوى اللى قال عليه الرحمن.. ورزقك ربنا كمان حسن الختام.. وقابلت رب كريم بنفس مطمئنة وسعدان.. ويا بختك يا مهنا.. ما عشتش كتير فى زمنا.. يا بختك يا مهنا.. بحب ربك متهنى.. اللهم ارحمه برحمتك التى وسعت كل شىء رحمة وعلماً.. آمين.