أقصى درجات الاستعداد

إن جه الطوفان..
وابنك ضناك ما بين إيديك..
اضغط بنعلك فوق جثته
ما انتاش شيطان
ولا هو هيعيش لحظة تانية لجل ما يلومك ب«ليه»
وتجرحك نظرات عينيه
وإنتى حبيبتى عارفة إنك أغلى عندى م الضنا
أغلى كمان منّى أنا
بس الزمن حوالينا ليه قاسى وعصيب
بنقول نصيب
بس الحقيقة إننا..
بنحيى حب فى دنيا بتموت كل يوم
وناس بتدهس بعضها
كيف المثل ما يقول
عشان كده.. لازم نفارق بعضنا
حاكم أنا خايف أوى
وإنتى كمان متأكدة
ساعة ما هيقوم الطوفان
هعمل كده..
كيف المثل ما يقول