من يوميات الحاج رمضان

مابقيتش تفرق معايا
أفطر فين..
كل البيوت نفس الشكل
ورغم اختلاف
أصناف الأكل
الطعم مفيش..
مش كل الأيام يا حبيبتى
بتعيش..
ولا كل اللى ف القلب
بتقدر تقوله العين..
بحب أشوف الهلال
وليد..
يادوب ابن يومين..
وترد فى الروح
لما يبقى بدر..
فيه ناس أبص ف عيونها
أحس بالستر..
وماعرفش ليه
أصعب شىء
إنك تمسك العصايا م النص
أو تعيش بين البنين..
دخل رمضان
دق ع البيبان
نور الجوامع..
فوانيس ف إيد العيال
ويروح هلال
ويجى هلال
والحال..
نفس الحال
لا بيموت المسحراتى
ولا بتصحى الشوارع