قوم يا مصرى

ماتيجو نفك قيود الخوف ونلف الدنيا ونطوف.. وندور من داخل روحنا ونقول الحق من غير خوف.. لا نفكر راح إيه يجرالنا ونغير ونبدل أحوالنا.. ليه عايشين اللامبالاة وأفكارنا صبحت سلبية.. ومصالح صارت شخصية ولا حد حاسس بالقومية.. والناس اتنوعت فيه ناس تاكلها مولعة.. وناس فى الأرض بتنبش قبرها.. والعيشة ما بقتش هيه وصبحنا بايعين القضية.. حتى العيش مش لاقيينه والدور أهوه جاى ع الميه ولا عاد فيه خدمات صحية والمرض سكن بدنا.. خايفين نتكلم ورافضين ليطلع صوتنا.. العيب أصله فينا والله ما ذنب بلدنا.. بلدنا عايزة وقفة بس فين الولد.. زاد الفساد وحملنا فوق كتافنا زاد.. قوم يا مصرى ناضل وقاوم الفساد.. ليه تعيش وإيدك فى ميه وعاشق للسكات؟
كمال سليمان ساحل سليم أسيوط