فيديو.. ريهام سعيد تنسحب على الهواء بسبب مجزرة الدفاع الجوي

انسحبت الإعلامية ريهام سعيد، على الهواء من حلقة برنامجها على قناة «النهار» حدادا على مذبحة الدفاع الجوي والتي راح ضحيتها 19 مشجعا زملكاويا.

وقالت «سعيد» في برنامجها صبايا الخير على قناة «النهار»، الاثنين: «مشكلتنا الأساسية في البلد إن البني آدم مالوش قيمة».

وأضافت: «أنا ابني زملكاوي وبيحب يروح الماتشات وتخيلته في نفس الموقف»، وتساءلت: «أكتر من 20 بني آدم راحوا إمبارح إحنا ليه مش عاملين حداد؟».

وأكدت ريهام سعيد قبل انسحابها: «أنا مش هتكلم كتير النهارده، ولكن هحط نفسي مكان أي أم مات أولادها، عايزين تحقيق شفاف، وأقسم بالله العظيم إدارة القناة متعرفش إني هنسحب ومش هكمل الحلقة، رغيت كتير، ومحدش سمع حاجة، آسفة هنسحب على الهوا، أنا جيت علشان أقولكم أنا مش خايفة وأقول كلمة حق، اللي هيقول إني أُوفر وبأمثّل ده مش حقيقي، النهارده مينفعش أقدم حلقة وأقول حاجة.. فيه أرواح راحت لا هيا على جبهة ولا رمت مولوتوف ناس رايحة تتفرج على ماتش كان ممكن يبقى ابني، أنا آسفة مش هاكمل وهانسحب».