بالفيديو.. بائعو فيصل بعد نقلهم:" قاعدين فى زنازين " .. والحى: "رمى بلاء"

اشتكى عدد من الباعة الجائلين بمنطقة فيصل، والذين تم تسكينهم من قبل حى بولاق الدكرور فى 34 باكية بأمر من الدكتور على عبد الرحمن محافظ الجيزة، داخل موقف فيصل بجانب محطة المترو، من ضيق الأماكن التى خصصتها لهم المحافظة بالإضافة إلى تراكم القمامة ومشاداتهم المستمرة مع السائقين بسبب الخروج من السوق. وقال محمد عبد الرحمن احد البائعين، "حطونا جوة السواقين كلهم قافلة علينا والزبالة كمان حوالينا، والحكومة تيجى تثبت حالة ومالهاش دعوة بينا ندب فى بعض ونضرب بعض، وكل ساعة نتخانق مع سواق شكل وبالمنظر ده هنعمل بلوة"، مطالبا بأن يقفوا على الرصيف المقابل للمحطة وهو الخاص بإحدى شركات الكهرباء. وأضاف عبد العاطى كامل "الناس بتعمل فى الباكيات حمام والزبالة ملت المكان، إزاى الزبون هيخشلنا ويشترى أى حاجة ده منظر، وكل ما نطلع برة يقولولنا خشوا جوة والمباحث بتيجى تشيلنا، وبقينا بناكل بعضينا"، متابعاً "مساحة الباكية متر فى متر وعاملة زى الزنازنة، وكل واحدة فيها 3 بياعين". وتابع السادات "عايزين نستقر عشان هنا زبالة وموقف وقرف واحنا معانا حاجة عايزة تتباع ومالهاش روح وعلينا شيكات لو مسددناش اللى علينا وهنتحبس"، وأردف مالك كريم "لو نقف مكان على الرصيف زى زمان ناكل عيش يبقى احسن ومحدش ينزل من على الرصيف وكلنا نظام واحد وناكل عيش وكلنا زى الاخوات، ولكن من [...]