كل مصيبة .. بتحصل فى البلد النهاردة . يلزقوها فى الاخ مرسى .. ما فك الله سجنه, وفى جماعته اللى تلت تربع قادتها.فى السجون . الا الحدق منهم. اللى هرب لغزة ولا السودان ولا تركيا ولا ادارى.. فى دولة من دول الخليج.. كافى خيره شره. وبيقول يا حيطة دارينى وفى برضك منهم ناس. بيتحضروا عشان يكونوا واجهة. لتوبة الجماعة. واتفاقها التاريخى مع النظام. عشان البلد تمشى بقى. وتبقى مصر بجد لكل المصريين ودول بتوع كل العصور.. زيهم زى بعض الفلول. وزى بعض المرتزقة والمتلونين. وعبدة الكاهن الاعظم. واليساريين الافاقين. والناصريين بتوع قميص عبد الناصر.. ولحد ما تفرج والراجل منهم براء المهم هنا. ان مع كل مصيبة. الا وتلاقى اللى يقولك.. الله يخرب بيتك يا مرسى تنقطع الكهربا. يقولك الواد بتاع السكينة. لسه شغال. والحاج مرسى بيابدوا. من وراء الاسوار تغلى الاسعار.. يقولك كان يوم اسود. لما انتخبنا مرسى يولع البنزين والسولار والذى منه. يقولك دى الانفاق بتاعة التهريب. اللى كان بيشجعها مرسى وخد عندك.. اى خلاف بين مصرى ومصرى. الا وتلاقى سيرة مرسى فى جملة مفيدة. ولا مش مفيدة ايه الحكاية وايه قصة تلبيس.. عمة ده لده الحكاية وببساطة.. اننا بنتلكك. ومش عاوزين نعترف بفشلنا. وباننا لسه بنفكر بطريقة الصندوق اياه خد من الفقير.. واوعى تيجى نحية الغنى والله لا يجعلن..ا من قطاعين الارزاق وحتى.. فى سياستنا الخارجية بنتعامل زى اللى على راسه.. مية بطحة ومن غير ما تسال عن الموقف المصرى المخزى.. من اللى بيحصل فى غزة. ومع اطفال غزة تلاقى ناس متبرعة.. تظهرلك فى الفضائيات. وتقعد تجيب فى القديم والجديد وتفكرك ان كنت نسيت. عن تضحيات مصر وشعبها. من اجل خاطر. وعيون فلسطين الحكاية اننا بقينا.. رد فعل لاى حاجة فى الارهاب مثلا . . ما بنمنعوش بس بيقولك.. احنا عرفنا مين الجناة. ودلوقتى جارى مطاردتهم. ومحاصرتهم ورا الجبل يا سلام ياعم بعد ما الفاس.. وقعت فى الراس وبيقولك كمان احنا حنعمل.. كيت وكيت بس الكلام قليل قوى عن احنا بجد.. عملنا كيت وكيت عاوز اكتر حاقولك لازم نشوف شغل بجد.. من الحكومة للناس . بس وحياتك بلاش سياسة والله احنا اتفاجئنا.. برد فعل الناس الحلو. بعد زيادة اسعار كل حاجة فان كنت لاتعلم فالناس سكتت. وحطت ولا مؤاخذة فى بقها كيت وكيت .. والسبب.. انها مكسوفة. من شماتة العدا ومصمصة الشفاه.. من ناس تانين. كانوا شايفين احسن وكان لسان حالهم بيقولك انك ممكن تقدر تضحك على الناس.. بعض الوقت بس يا امور ما تقدرش. تضحك عليهم طول الوقت وبرضك عشان القافية.. ولزوم القافية الله يخرب بيتك يا مرسى مبسوطين ؟ ..