يا عينى علينا .. لا طولنا : ورك.. و.. لا صدر ؟

بيقولك الفيلم . اللى سرقوه اسمه مالينا، وهو فيلم لقنبلة السينما العالمية مونيكا بيلوتشى، وربنا ما يحكمك فى حرمة زيها.المهم ان الفيلم الاصلى..يحارب الفاشية.قام السبكى قالك:واشمعنا احنا؟بس المعلم محلب.عرف الفولة.وحلبوا بدرى بدرى.قبل ما الفاس متقع فى الراس، ويفهم اخوانا المصريين..القصة بجد .. عفريت السبكى ده . بس مش على عمك محلب .؟؟!! بس برده الغلابة..نبهم ايه ؟؟!! لا طالوا ورك.ولا صدر ؟! صحيح بيلاقوا العضم فى الكرشة ؟؟
المهم ان كل اللى تابعوا الفيلم.وقالوا لك انه لامؤاخذة اباحى.وفيه حاجات كتيرة قليلة الادب. ما عرفوش اللى عرفوه..اتنين بس فى بلد فيه..90مليون شخص.وما شاء الله كلهم.بيفهموا فى الكفت.وعاملين نفسهم برم.ومرقعين.ومش اى اى. ولا زى زى . ولا اللى راح .زى اللى جاى . بس معلهش فلتت منكم المرة دى . وده يوريك ان حكومتنا..صحصحة وان ليها عيونها.وان الحكومة مش بس فاضية.ليل ونهارلاحوال الناس.و مشاكلهم اللى زى الهم على القلب.دىبرده فايقة.ومتربصة..اللى بيحاولوا زلزلة الامن القومى.وضربه فى مقتل ومنهم:الرفيق السبكى ورفقائه كلهم.وبالذات الست هيفا..والواد الصغير اللى طالع لنا فى المقدر جديد.اطمئنوا وناموا وعيونكم مغمضة.عندنا حكومة..تعرف دبة النملة.والبرغوت كمان.عندنا ريس وزرا. ما تعديش من ادامه..لا همسة ولا شاردة.وانتم ايها الرفقاء.ياللى بتوع السيما.وعلى راسكم الرفيق السبكى لموا نفسكم شوية.وبلاش حركات:حاورينى يا كيكة.والاسقاطات فى افلامكم.الفاشية لن تعود لمصر مهما كلفنا ذلك من افلام وبكاء.لست هيفا.و كنس السيدة زينب..على محلب ووزارته..الفاشية لن تعود لانها موجودة بالفعل .. فهمت يا رفيق سبكى.. ولا لسه فيك حلاوة روح؟