"حلاوة روح".. تشعل حملة مقاطعة ل "أفلام السبكي" بعد عرض اعلان الفيلم

أثار الإعلان الترويجي لفيلم "حلاوة روح" من انتاج السبكي وبطولة هيفاء وهبي وباسم سمرة موجة من الانتقاد لنوعية الافلام التي يقدمها السبكي الامر الذي دفع العديد لمقاطعة افلام السبكي وعدم دخول اي عرض لها وفي تويتر جاءت التعليقات على الموضوع والحملة كالتالي:
- المشكلة مش فى السبكي المشكلة ان اي حد هيعمل فيلم رخيص كدة هينجح علشان الجمهور نفسوا رخيص !!
- لو ضروري تدخل سينما تتفرج علي فيلم في أفلام اجبني جميلة نازلة العيد ده بس قاطعوا أفلام السبكي الناس الوسخة دي اللي بيساعدوا في افساد جيل
- أحيانا بحس إن االي شغالين في الرقابة كلهم قرايب السبكي.. أصل مفيش حل تاني يخلي أفلامه تتعرض
- ايوة انا اللي مش هروح السينما اتفرج ع الاسفاف اللي ف افلام السبكي انا هستنى الفيلم اما يتسرق و يترفع ع النت و ابئى انزله
- متكونش سبب في نجاح أفلام السبكي بفلوسك نجاح أفلام السبكي معناه انحطاط للمجتمع متكونش سبب في كدة قاطع افلام السبكى المنحطه
- السينما الهابطة موجودة حتي في أمريكا , لكن في المقابل في السينما الراقية و روادها و مدارسها , مشكلة مصر ان معندهاش غير السبكي !
- باما نفسى حد يدينى سلطه احكم بالاعدام على السبكي واللى من عينته وشبهه ضيعوا الفن الله يخرب بيت كده
- هو ليه مايتم القبض على السبكي بتهمة افساد الذوق العام ويريحونا من افلامه والأشكال اللي فيها
- احنا نخطف السبكي , وحط وشم قرصان دنماركي علي كتفه , ونخزقلوا عينوا ونحط بدلها جلده ,, ونقول انه مش مصري وانه دخيل علينا,بكدا نخلص من فضايحة
- السبكي للانتاج السنمائي يعني ابنك يطلع تاجر مخدرات يعني ابنك يطلع مثلوعبدوموته والالماني وقلب الاسد يعني نعيش في مجتماع كله بلطجيه و دعارة
- بجد انا عمري ما اخسر حد اعرفة لأي سبب الا اني اعرف انه دخل فيلم من افلام السبكي
- الرقص اللي افلام السبكي بتاعت العيد قذرة واساءة للفن الشرقي المصري. فينك يا سامية يا جمال
- من الناس اللي حاجزة درجة اولي فنار جهنم السبكي ... منك لله ع عملتوا واللي بتعملوا واللي هتعملوا فالجيل الجديد
- زي ما السينما المصرية عانت من فترة افلام المقاولات في السبعينات عادت لتعاني من افلام السبكي الهابطة في الفترة دي.
- اهم حاجه كل الناس اللي اعرفهم عاملين حمله مقاطعه لافلام السبكي هم نفسهم اللي مبيتفرجوش عليها لازم فكره تانيه الافلام دي بتستمر علشان بتكسب
- فيه فرق بين جيل اتربي علي يوميات ونيس ، وجيل هيتربي علي افلام السبكي ومحمد رمضان واوكا وارتيجا !
- اللهم ارنا هبوطاً حاداً في ارباح افلام السبكي الرديئه الصنع
- انا عايز اعرف السبكي دا عايش وسط طبقه المثقفين ازاي. احنا اصلا معندناش مثقفين. ااااه
- ما هو طول ما الافلام دي اعلي ايرادات يبقي شكرا نعيب السبكي و العيب فينا الناس بتتنيل تدخل الافلام دي و بتجيب فلوس و مبتكلفش
- السبكي قالها . مش معايا فلوس اعمل اللي عاوزه . وغير السبكي . كله بيوصل نفس الرسالة و بيبوظ التفكير العام