رغم تصدره للأفلام الأعلي إيراداً.. نشطاء تويتر يطالبون بمحاكمة مخرج 'قلب الأسد'

علي الرغم من تصدر فيلم 'قلب الأسد'، للممثل الشاب محمد رمضان، قائمة الأفلام الأعلي إيرادا في العيد، تزايدت المطالب عبر تويتر بمحاكمة مخرجه، كريم السبكي، كما نقل موقع سي ان ان عربية.
ولعل السبب المشترك بين جميع من شاركوا في هاشتاج #حاكموا-السبكي، هو المستوي الهابط للفيلم، بحسب مراقبين، وضعف المحتوي والأداء التمثيلي، ما دفع الكثيرين إلي التساؤل: ما الذي يجعل هذا الفيلم يتربع علي عرش أفلام العيد؟ ولماذا علينا محاكمة كريم السبكي؟
الإجابة تلخصت في التغريدات التالية:
abn-semsem@: نعيب علي السبكي والعيب فينا.. يعني هو كان هيكسب ازاي إلا بينا.
marw2aa@: الفكرة مش في السبكي لكن في ثقافة الشعب اللي عايز الأفلام دي وبيدخلها.
sherwet-ismael@: اللي بسببه بقالي فترة طويلة مش قادرة ادخل السينما اتفرجلي علي فيلم محترم.. لأنه في مواسم زي كدة بيحتكر دور العرض بأفلامه.
ro2a-shahen@: لان ده واحد جشع كل همو الفلوس ويبيع سلعه رخيصة.
R-Nabeil@: لما تلاقي نص شباب مصر قدام السينمات عشان يتفرجو علي افلام كلها سفالة.. يبقي مش عايزين ثورة شعب.. احنا عاوزين ثورة اخلاق.
sherio28@: يفرق ايه عن اللي بيخون البلد !! او اللي بيتاجر في المخدرات !!! بيشوه وعي أجيال ويفسد عقول.
SalmaZz45@: عايزين افلام تكون ليها معني مش بتعلم شبابنا الشتايم والتحرش والمعاكسة.
Rona-Hisham@: هو السبب في الأزمة الأخلاقية اللي موجودة في مصر لو كنا في بلد متقدمة كان هيتسجن علي الأقل 10 سنين.
shaimaa-hosny19@: يكفي ترويجه للتحرش الجنسي والانحطاط اللفظي في أفلامه بشكل يظهر كأنه شيء عادي ومقبول، رغم انه لابد من توعية الشباب الصغير بالعكس.